ਦੁਨੀਆ ਦੇ ਚੋਟੀ ਦੇ-10 ਸਭ ਤੋਂ ਅਮੀਰ ਵਿਅਕਤੀਆਂ ਵਿੱਚ ਸ਼ਾਮਲ ਭਾਰਤ ਦੇ ਉਦਯੋਗਪਤੀ ਅਤੇ ਏਸ਼ੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਗੌਤਮ ਅਡਾਨੀ 24 ਜੂਨ ਸ਼ੁੱਕਰਵਾਰ ਨੂੰ 60 ਸਾਲ ਦੇ ਹੋ ਗਏ ਹਨ। ਇਸ ਮੌਕੇ ਉਨ੍ਹਾਂ ਆਪਣੀ ਜਾਇਦਾਦ ਦਾ ਵੱਡਾ ਹਿੱਸਾ ਦਾਨ ਕਰਨ ਦਾ ਐਲਾਨ ਕੀਤਾ ਹੈ। ਅਡਾਨੀ ਨੂੰ 1991 ਤੱਕ ਰਾਸ਼ਟਰੀ ਪੱਧਰ ‘ਤੇ ਵੀ ਕੋਈ ਨਹੀਂ ਸੀ ਜਾਣਦਾ, ਸਿਰਫ 20 ਸਾਲਾਂ ‘ਚ ਉਨ੍ਹਾਂ ਨੇ ਦੇਸ਼ ਅਤੇ ਦੁਨੀਆ ‘ਚ ਆਪਣਾ ਕਾਰੋਬਾਰ ਫੈਲਾ ਦਿੱਤਾ।
ਅਡਾਨੀ ਗਰੁੱਪ ਦੇ ਚੇਅਰਮੈਨ ਨੇ ਕਿਹਾ ਹੈ ਕਿ ਉਹ ਆਪਣੀ ਦੌਲਤ ਵਿੱਚੋਂ 7.7 ਬਿਲੀਅਨ ਡਾਲਰ (ਲਗਭਗ 60 ਹਜ਼ਾਰ ਕਰੋੜ ਰੁਪਏ) ਸਮਾਜਿਕ ਕੰਮਾਂ ਲਈ ਦਾਨ ਕਰਨਗੇ। ਉਨ੍ਹਾਂ ਵੱਲੋਂ ਦਾਨ ਕੀਤੀ ਗਈ ਇਹ ਰਕਮ ਭਾਰਤ ਵਿੱਚ ਹੁਣ ਤੱਕ ਦਾਨ ਕੀਤੀ ਗਈ ਸਭ ਤੋਂ ਵੱਡੀ ਰਕਮ ਵਿੱਚੋਂ ਇੱਕ ਹੈ।ਅਡਾਨੀ ਨੇ ਆਪਣੇ ਜਨਮ ਦਿਨ ਅਤੇ ਪਿਤਾ ਦੀ 100ਵੀਂ ਬਰਸੀ ‘ਤੇ ਇੰਨੀ ਵੱਡੀ ਰਕਮ ਦਾਨ ਕਰਨ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਇੱਕ ਬਿਆਨ ਵਿੱਚ ਕਿਹਾ ਕਿ ਦਾਨ ਕੀਤੀ ਜਾਣ ਵਾਲੀ ਇਸ ਰਕਮ ਦੀ ਵਰਤੋਂ ਸਿਹਤ, ਸਿੱਖਿਆ ਅਤੇ ਹੁਨਰ ਵਿਕਾਸ ਨਾਲ ਸਬੰਧਤ ਕੰਮਾਂ ਲਈ ਕੀਤੀ ਜਾਵੇਗੀ।
ਗੌਤਮ ਅਡਾਨੀ ਲੰਮੇ ਸਮੇਂ ਤੋਂ ਦੁਨੀਆ ਦੇ ਚੋਟੀ ਦੇ ਅਰਬਪਤੀਆਂ ਦੀ ਸੂਚੀ ਵਿੱਚ ਦਬਦਬਾ ਬਣਾ ਰਹੇ ਹਨ। ਇਸ ਸਮੇਂ ਉਹ ਦੁਨੀਆ ਦੇ ਅੱਠਵੇਂ ਸਭ ਤੋਂ ਅਮੀਰ ਵਿਅਕਤੀ ਹਨ। ਰਿਪੋਰਟਾਂ ਮੁਤਾਬਕ ਬਲੂਮਬਰਗ ਬਿਲੀਅਨੇਅਰਜ਼ ਇੰਡੈਕਸ ਮੁਤਾਬਕ ਇਸ ਸਮੇਂ ਤੱਕ ਗੌਤਮ ਅਡਾਨੀ ਦੀ ਸੰਪਤੀ 92.7 ਅਰਬ ਡਾਲਰ ਸੀ।
ਦੇਸ਼ ਦੇ ਸਭ ਤੋਂ ਵੱਡੇ ਦਾਨੀਆਂ ਦੀ ਗੱਲ ਕਰੀਏ ਤਾਂ ਇਸ ਮਾਮਲੇ ‘ਚ ਵਿਪਰੋ ਦੇ ਚੇਅਰਮੈਨ ਅਜ਼ੀਮ ਪ੍ਰੇਮਜੀ ਦਾ ਨਾਂ ਸਭ ਤੋਂ ਪਹਿਲਾਂ ਆਉਂਦਾ ਹੈ। ਇਕ ਰਿਪੋਰਟ ਮੁਤਾਬਕ ਪ੍ਰੇਮਜੀ ਨੇ ਵਿੱਤੀ ਸਾਲ 2021 ‘ਚ 9,713 ਕਰੋੜ ਰੁਪਏ ਦਾਨ ਕੀਤੇ ਹਨ। ਪਿਛਲੇ ਕਈ ਸਾਲਾਂ ਤੋਂ ਵਿਪਰੋ ਦੇ ਮੁਖੀ ਇਸ ਸੂਚੀ ਵਿੱਚ ਟੌਪ ‘ਤੇ ਬਣੇ ਹੋਏ ਹਨ।
ਪਿਛਲੇ ਤਿੰਨ ਸਾਲਾਂ ਵਿੱਚ ਭਾਰਤ ਦੇ ਵੱਡੇ ਉਦਯੋਗਪਤੀਆਂ ਦੀ ਗੱਲ ਕਰੀਏ ਤਾਂ ਅਜ਼ੀਮ ਪ੍ਰੇਮਜੀ ਨੇ 18,070 ਕਰੋੜ ਰੁਪਏ, ਸ਼ਿਵ ਨਾਦਰ ਨੇ 2,884 ਕਰੋੜ ਰੁਪਏ, ਮੁਕੇਸ਼ ਅੰਬਾਨੀ ਨੇ 1,437 ਕਰੋੜ ਰੁਪਏ, ਕੁਮਾਰ ਮੰਗਲਮ ਬਿਰਲਾ ਨੇ 732 ਕਰੋੜ ਰੁਪਏ ਅਤੇ ਨੰਦਨ ਨੀਲੇਕਣੀ ਨੇ 546 ਕਰੋੜ ਰੁਪਏ ਦਾਨ ਵਿੱਚ ਦਿੱਤੇ ਹਨ।
