ਐਸ.ਆਈ. ਸੰਦੀਪ ਸਿੰਘ ਨੇ ਸੀ.ਆਈ.ਏ. ਸਟਾਫ ਮੋਗਾ ਦੇ ਮੈਂਬਰਾਂ ਸਮੇਤ ਮੌਕੇ ‘ਤੇ ਛਾਪਾ ਮਾਰਿਆ ਅਤੇ ਕੁਲਵਿੰਦਰ ਸਿੰਘ ਉਰਫ ਕਿੰਦਾ ਅਤੇ ਗੁਰਜੀਵਨ ਸਿੰਘ ਉਰਫ ਜੁਗਨੂੰ ਨੂੰ ਗ੍ਰਿਫਤਾਰ ਕੀਤਾ ਅਤੇ ਉਪਰੋਕਤ ਅਨੁਸਾਰ ਬਰਾਮਦਗੀ ਕੀਤੀ ।
ਮੋਗਾ (ਹਰਪਾਲ ਸਹਾਰਨ) : ਮੋਗਾ ਪੁਲਿਸ ਨੇ ਇੱਕ ਨਾਮੀ ਗਿਰੋਹ ਦੀ ਗ੍ਰਿਫਤਾਰੀ ਨਾਲ ਜ਼ਿਲੇ ਵਿੱਚ ਹੋਈਆਂ ਫਾਇਰਿੰਗਾਂ, ਚੋਰੀਆਂ ਅਤੇ ਡਕੈਤੀਆਂ ਦੀਆਂ ਤਾਜ਼ਾ ਘਟਨਾਵਾਂ ਵਿੱਚ ਇੱਕ ਮਹੱਤਵਪੂਰਣ ਸਫਲਤਾ ਪ੍ਰਾਪਤ ਕੀਤੀ ਹੈ । ਜਿਸ ਦੇ ਮੈਂਬਰਾਂ ਵਿੱਚ ਕੁਲਵਿੰਦਰ ਸਿੰਘ ਉਰਫ ਕਿੰਦਾ / ਦਰਸ਼ਨ ਨਿਵਾਸੀ ਪਿੰਡ ਡੇਟਾ, ਗੁਰਜੀਵਨ ਸਿੰਘ ਉਰਫ ਜੁਗਨੂ ਪੁੱਤਰ ਰੇਸ਼ਮ ਸਿੰਘ ਨਿਵਾਸੀ ਸਿੰਘਾਵਾਲਾ, ਅਕਾਸ਼ਦੀਪ ਸਿੰਘ ਉਰਫ ਮਨੀ ਪੁੱਤਰ ਪ੍ਰੀਤਮ ਸਿੰਘ ਨਿਵਾਸੀ ਜਲੰਧਰ ਬਾਈਪਾਸ, ਧਰਮਕੋਟ, ਸਲੀਮ ਖਾਨ ਉਰਫ ਸਿੰਮੂ ਪੁੱਤਰ ਦਰਸ਼ਨ ਖਾਨ ਵਾਸੀ ਮੌੜ ਮੰਡੀ ਅਤੇ ਮਨਵੀਰ ਸਿੰਘ ਉਰਫ ਮਨੀ ਪੁੱਤਰ ਜਗਤਾਰ ਸਿੰਘ ਵਾਸੀ ਮੌੜ ਮੰਡੀ ਅਤੇ ਉਨ੍ਹਾਂ ਕੋਲੋਂ ਦੋ ਦੇਸੀ ਪਿਸਤੌਲ 315 ਬੋਰ ਅਤੇ 32 ਬੋਰ ਸਮੇਤ 4 ਜਿੰਦਾ ਕਾਰਤੂਸ 315 ਬੋਰ ਅਤੇ 2 ਜਿੰਦਾ ਕਾਰਤੂਸ 32 ਬੋਰ ਬਰਾਮਦ ਕੀਤੇ ਅਤੇ ਇੱਕ ਖੋਹੀ ਹੋਈ ਰਿੱਟਜ਼ ਕਾਰ ਨੰਬਰ ਪੀ.ਬੀ.-10-ਈ.ਏ.-4789 ਸਮੇਤ ਚੋਰੀ ਦਾ ਮੋਟਰਸਾਈਕਲ ਬਜਾਜ ਪਲਸਰ ਬਿਨਾਂ ਨੰਬਰ ਪਲੇਟ ਬਰਾਮਦ ਕੀਤਾ। ਦੋਨੋ ਉਕਤ ਵਹਿਕਲ ਤੇਜ਼ ਅਤੇ ਮਾਰੂ ਹਥਿਆਰਾਂ ਨਾਲ ਭਰੇ ਹੋਏ ਸਨ ਅਤੇ ਇੱਕ ਵੱਡੀ ਦੁਕਾਨ ‘ਤੇ ਡਾਕਾ ਮਾਰਨ ਅਤੇ ਰੇਲਵੇ ਪੁਲ ਮੋਗਾ ਨੇੜੇ ਹਾਈਵੇ’ ਕੋਈ ਵਾਹਨ ਖੋਹਣ ਦੀ ਯੋਜਨਾ ਬਣਾ ਰਹੇ ਸਨ। ਐਸ.ਆਈ. ਸੰਦੀਪ ਸਿੰਘ ਨੇ ਸੀ.ਆਈ.ਏ. ਸਟਾਫ ਮੋਗਾ ਦੇ ਮੈਂਬਰਾਂ ਸਮੇਤ ਮੌਕੇ ‘ਤੇ ਛਾਪਾ ਮਾਰਿਆ ਅਤੇ ਕੁਲਵਿੰਦਰ ਸਿੰਘ ਉਰਫ ਕਿੰਦਾ ਅਤੇ ਗੁਰਜੀਵਨ ਸਿੰਘ ਉਰਫ ਜੁਗਨੂੰ ਨੂੰ ਗ੍ਰਿਫਤਾਰ ਕੀਤਾ ਅਤੇ ਉਪਰੋਕਤ ਅਨੁਸਾਰ ਬਰਾਮਦਗੀ ਕੀਤੀ ।
ਗ੍ਰਿਫਤਾਰ ਕੀਤੇ ਦੋਸ਼ੀਆਂ ਨੇ ਹੇਠ ਲਿਖੇ ਅਪਰਾਧਾਂ ਵਿਚ ਆਪਣੇ ਆਪਣੇ ਜੁਰਮ ਦਾ ਇਕਬਾਲ ਕਰ ਲਿਆ ਹੈ ।
- ਮੋਗਾ ਦੀ ਪੁਰਾਣੀ ਦਾਣਾ ਮੰਡੀ ਨੇੜੇ ਚੌਲਾਂ ਦੇ ਕਮਿਸ਼ਨ ਏਜੰਟ ‘ਤੇ ਫਾਇਰਿੰਗ ਕਰਨ ਦਾ ਅਪਰਾਧ ।
- ਰਿਟਜ਼ ਕਾਰ ਨੰਬਰੀ ਪੀ.ਬੀ.-10-ਈ.ਏ.-4789 ਦੀ ਲੁੱਟ ।
- ਇੱਕ ਲਾਵਾਰਿਸ ਸਕਾਰਪੀਓ ਨੰਬਰੀ ਪੀ.ਬੀ. 10 ਐਨ. 2859 ਰੰਗ ਚਿੱਟਾ ਇੱਕ ਹਾਦਸੇ ਦੀ ਹਾਲਤ ਵਿੱਚ ਮਿਲੀ ਅਤੇ ਕਾਰ ਵਿੱਚੋਂ ਅੰਦਰੋਂ ਪਿਸਤੌਲ 315 ਬੋਰ ਬਰਾਮਦ ਹੋਈ ।
- ਉਨ੍ਹਾਂ ਨੇ ਕਾਰ ਸਵਿਫਟ ਡਿਜ਼ਾਇਰ ਨੰਬਰੀ ਪੀ.ਬੀ. 29 ਐਕਸ 8811 ‘ਤੇ ਫਾਇਰਿੰਗ ਕੀਤੀ ਸੀ ।
