WHO ਨੇ ਕਿਹਾ – ਭਾਰਤ ਵਿਚ ਸਭ ਚੀਜ਼ਾਂ ਚਿੰਤਾਜਨਕ ਹਨ
ਲੰਡਨ (ਏਜੇਂਸੀ) : ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਸ਼ੁੱਕਰਵਾਰ ਨੂੰ ਬ੍ਰਿਟੇਨ ਵਿਚ ਤਾਲਾਬੰਦੀ ਚ ਢਿੱਲ ਦੇਣ ਦੀ ਯੋਜਨਾ ਬਾਰੇ ਚੇਤਾਵਨੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਭਾਰਤ ਵਿੱਚ ਮਿਲੇ ਕੋਰੋਨਾ ਵੇਰੀਅੰਟ ਕਾਰਨ ਬ੍ਰਿਟੇਨ ਨੂੰ ਤਾਲਾ ਖੋਲ੍ਹਣ ਦੀ ਯੋਜਨਾ ਵਿੱਚ ਰੁਕਾਵਟਾਂ ਆ ਸਕਦੀਆਂ ਹਨ। ਇੰਗਲੈਂਡ ਪਹਿਲਾਂ ਨਿਰਧਾਰਤ ਯੋਜਨਾ ਦੇ ਤਹਿਤ ਸੋਮਵਾਰ ਨੂੰ ਦੇਸ਼ ਦੇ ਮੁੜ ਖੁੱਲ੍ਹਣ ਬਾਰੇ ਅਗਲਾ ਕਦਮ ਉਠਾਏਗਾ। ਜੌਹਨਸਨ ਨੇ ਕਿਹਾ ਕਿ ਮੈਨੂੰ ਨਹੀਂ ਲਗਦਾ ਕਿ ਸਾਨੂੰ ਆਪਣੇ ਰੋਡ-ਮੈਪ ਨੂੰ ਦੇਰੀ ਕਰਨ ਦੀ ਜ਼ਰੂਰਤ ਹੈ.
ਇਸ ਦੇ ਨਾਲ ਹੀ ਵਿਸ਼ਵ ਸਿਹਤ ਸੰਗਠਨ (WHO) ਨੇ ਇਕ ਵਾਰ ਫਿਰ ਭਾਰਤ ਵਿਚ ਕੋਰੋਨਾ ਦੀ ਸਥਿਤੀ ‘ਤੇ ਚਿੰਤਾ ਜ਼ਾਹਰ ਕੀਤੀ ਹੈ। WHO ਦੇ ਚੀਫ ਟੇਡਰੋਸ ਅਡੇਨਹੋਲਮ ਘੇਬਰਿਸਿਅਸ ਨੇ ਜ਼ੋਰ ਦੇ ਕੇ ਕਿਹਾ ਕਿ ਭਾਰਤ ਵਿੱਚ ਕੋਰੋਨਾ ਦੀ ਸਥਿਤੀ ਕਾਫ਼ੀ ਚਿੰਤਾਜਨਕ ਹੈ। ਮਹਾਂਮਾਰੀ ਦਾ ਦੂਜਾ ਦੌਰ ਪੂਰੇ ਵਿਸ਼ਵ ਲਈ ਵਧੇਰੇ ਘਾਤਕ ਸਾਬਤ ਹੋਣ ਜਾ ਰਿਹਾ ਹੈ।
