ਜਦੋਂ ਪੁਲਿਸ ਪਾਰਟੀਆਂ ਨੂੰ ਵੇਖਿਆ ਤਾਂ ਦੋਸ਼ੀਆਂ ਨੇ ਲਾਹਣ ਨੂੰ ਸਤਲੁਜ ਦਰਿਆ ਵਿੱਚ ਸੁੱਟ ਦਿੱਤਾ ਜਿਸ ਨਾਲ ਪ੍ਰਦੂਸ਼ਣ ਨਿਯੰਤਰਣ ਤੇ ਰੂਕਥਾਮ ਐਕਟ 1974 ਅਧੀਨ ਵੀ ਦੋਸ਼ੀਆਂ ਤੇ ਪਰਚਾ ਦਰਜ ਕੀਤਾ ਜਾਵੇਗਾ ।
ਤਰਨ ਤਾਰਨ (ਜਸਬੀਰ ਸਿੰਘ) : ਜ਼ਿਲੇ ਤਰਨ ਤਾਰਨ ਵਿੱਚ ਸ਼ਰੇਆਮ ਅਤੇ ਨਾਜਾਇਜ਼ ਸ਼ਰਾਬ ਦੇ ਨੈੱਟਵਰਕ ‘ਤੇ ਇਸ ਦੇ ਲਗਾਤਾਰ ਚਲ ਰਹੇ ਕੰਮਾਂ ਵਿੱਚ ਤਰਨ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਮੰਡ ਇਲਾਕੇ ਤੋਂ 102000 ਲਿਟਰ (ਇਕ ਲੱਖ ਦੋ ਹਜ਼ਾਰ) ਲਾਹਣ ਬਰਾਮਦ ਕੀਤੀ । ਇੱਕ ਮੁਹਿੰਮ ਦੌਰਾਨ ਸਤਲੁਜ ਦਰਿਆ ਦੇ ਖੇਤਰ ਦੇ ਨਾਲ ਲੱਗਦੇ ਹਰੀਕੇ ਵਿੱਚ ਪਿੰਡ ਮਰਾਰ ਦੇ ਮੰਡ ਇਲਾਕੇ ਵਿਚ ਹਾਈਟੈਕ ਕਮਰਿਆਂ ਨਾਲ ਲੈਸ ਡਰੋਨ ਦੀ ਮਦਦ ਨਾਲ ਪੁਲਿਸ ਨੇ ਇਸ ਕਾਰਗੁਜਾਰੀ ਨੂੰ ਅੰਜਾਮ ਦਿੱਤਾ । ਇਹ ਇਲਾਕਾ ਨਾਜਾਇਜ਼ ਸ਼ਰਾਬ ਦੇ ਨਿਰਮਾਣ ਲਈ ਬਦਨਾਮ ਹੈ ।
ਇਹ ਸਫਲਤਾ ਐਸ.ਐਸ.ਪੀ. ਤਰਨ ਤਾਰਨ ਦੀ ਅਗੁਵਾਈ ਵਾਲੀ ਟੀਮ ਦੁਆਰਾ ਕੀਤੇ ਗਏ ਇੱਕ ਬਹੁਤ ਹੀ ਸੁਚੱਜੇ ਅਪ੍ਰੇਸ਼ਨ ਦਾ ਨਤੀਜਾ ਸੀ । ਮੌਕੇ ਤੋਂ ਲੱਕੜ ਦੀਆਂ ਪੰਜ ਕਿਸ਼ਤੀਆਂ, 50 ਤਰਪਾਲਾਂ, (50 x 2000 = 100000 ਲਿਟਰ ਲਾਹਣ) ਅਤੇ 125 ਪੋਲੀਥੀਨ ਬੈਗ (125 x 16 = 2000 ਲੀਟਰ ਲਾਹਣ) ਬਰਾਮਦ ਹੋਈ ।
ਡਰੋਨ ਕੈਮਰਿਆਂ ਦੁਆਰਾ ਪ੍ਰਾਪਤ ਕੀਤੀ ਮਹੱਤਵਪੂਰਨ ਜਾਣਕਾਰੀ ਦੇ ਅਧਾਰ ਤੇ ਆਬਕਾਰੀ ਵਿਭਾਗ ਅਤੇ ਜੰਗਲਾਤ ਵਿਭਾਗ ਦੇ ਕਰਮਚਾਰੀਆਂ ਸਮੇਤ ਤਰਨਤਾਰਨ ਦੇ ਪੁਲਿਸ ਦੇ 125 ਅਧਿਕਾਰੀ ਦੇ ਨੇੜਲੇ ਤਾਲਮੇਲ ਵਿੱਚ ਅੱਜ ਸਵੇਰੇ ਮੰਡ ਖੇਤਰ ਵਿਚ ਛਾਪੇ ਮਾਰੇ ।
ਵੇਰਵੇ ਦਿੰਦਿਆਂ, ਐਸ.ਐਸ.ਪੀ. ਤਰਨ ਤਾਰਨ ਨੇ ਦੱਸਿਆ ਕਿ ਖਾਸ ਜਾਣਕਾਰੀ ਦੇ ਅਧਾਰ ਤੇ, ਇੱਕ ਵਿਸ਼ਾਲ ਸਰਚ ਅਭਿਆਨ
ਨੂੰ ਦਲਦਲੀ ਇਲਾਕੇ ‘ਚ ਐਚ.ਡੀ. ਕੈਮਰੇ ਵਾਲੇ ਡਰੋਨ ਦੀ ਮਦਦ ਨਾਲ ਲਾਂਚ ਕੀਤਾ ਗਿਆ ਸੀ । ਜਿਸ ਦੀ ਮਦਦ ਨਾਲ ਕੰਮ ਕਰਨ ਵਾਲੀਆਂ ਥਾਵਾਂ ਅਤੇ ਸ਼ੱਕੀ ਵਿਅਕਤੀਆਂ ਦੀ ਗਤੀਵਿਧੀ ਨੂੰ ਵੇਖਿਆ ਗਿਆ । ਆਪ੍ਰੇਟਰਾਂ ਨੂੰ ਵਿਸ਼ੇਸ਼ ਤੌਰ ‘ਤੇ ਪੰਜਾਬ ਆਰਮਡ ਪੁਲਿਸ, ਜਲੰਧਰ ਤੋਂ ਮੰਗਵਾਇਆ ਗਿਆ ਸੀ । ਲਗਭਗ 2 ਵਰਗ ਕਿਲੋਮੀਟਰ ਖੇਤਰ ਵਿੱਚ ਇੱਕ ਦਿਨ ਪਹਿਲਾਂ ਤੋਂ ਨਜ਼ਰ ਰਾਖੀ ਗਈ । ਇਹ ਦਲਦਲੀ ਇਲਾਕਾ ਹੈ ਅਤੇ ਲੰਬੀ ਝਾੜੀਆਂ ਤੇ ਘਾਹ ਹੋਣ ਕਰਕੇ ਕੁਝ ਇਲਾਕਾ ਪਹੁੰਚਣ ਯੋਗ ਨਹੀਂ ਹੈ । ਇਸ ਲਈ, ਕੈਮਰਿਆਂ ਨਾਲ ਲਗਾਈਆਂ ਡਰੋਨਾਂ ਦੀ ਵਰਤੋਂ ਕੀਤੀ ਗਈ । ਡਰੋਨ ਕੈਮਰਿਆਂ ਦੀ ਫੁਟੇਜ ਸਤਪੰਥ ਅਤੇ ਨੇੜਲੇ ਪਿੰਡਾਂ ਦੇ ਵਸਨੀਕਾਂ ਨੂੰ ਦਿਖਾਈ ਗਈ ਸੀ ਤਾਂ ਜੋ ਸ਼ੱਕੀਆਂ ਦੀ ਪਛਾਣ ਹੋ ਸਕੇ । ਜਦੋਂ ਪੁਲਿਸ ਪਾਰਟੀਆਂ ਨੂੰ ਵੇਖਿਆ ਤਾਂ ਦੋਸ਼ੀਆਂ ਨੇ ਲਾਹਣ ਨੂੰ ਸਤਲੁਜ ਦਰਿਆ ਵਿੱਚ ਸੁੱਟ ਦਿੱਤਾ ਜਿਸ ਨਾਲ ਪ੍ਰਦੂਸ਼ਣ ਨਿਯੰਤਰਣ ਤੇ ਰੂਕਥਾਮ ਐਕਟ 1974 ਅਧੀਨ ਵੀ ਦੋਸ਼ੀਆਂ ਤੇ ਪਰਚਾ ਦਰਜ ਕੀਤਾ ਜਾਵੇਗਾ ।
