ਮਾਂ ਲਈ ਉਸ ਦਾ ਬੱਚਾ ਸਭ ਤੋਂ ਚੰਗਾ ਤੇ ਸਭ ਤੋਂ ਸੋਹਣਾ ਹੁੰਦਾ ਹੈ ਅਤੇ ਉਹ ਉਸ ਖਿਲਾਫ਼ ਕੁਝ ਵੀ ਗਲਤ ਨਹੀਂ ਸੁਣ ਸਕਦੀ। ਕੁਝ ਅਜਿਹਾ ਹੀ ਇੱਕ ਔਰਤ ਨਾਲ ਹੋਇਆ, ਜਿਸ ਨੇ ਉਨ੍ਹਾਂ ਲੋਕਾਂ ਨੂੰ ਜ਼ੋਰਦਾਰ ਫਟਕਾਰ ਲਾਈ, ਜਿਨ੍ਹਾਂ ਨੇ ਉਸ ਦੇ ਬੱਚੇ ਨੂੰ ਬੁਰਾ ਕਿਹਾ।
ਟਿਕਟਾਕ ਯੂਜਰ ਐਂਬਰ (TikTok User Amber) ਨੇ ਟਰੋਲਰਾਂ ਨੂੰ ਢੁੱਕਵਾਂ ਜਵਾਬ ਦੇਣ ਲਈ ਟਿਕਟੋਕ ਤੇ ਵੀਡੀਓ ਬਣਾਉਣ ਦਾ ਸਹਾਰਾ ਲਿਆ। ਤੁਹਾਨੂੰ ਦੱਸ ਦੇਈਏ ਕਿ ਬਹੁਤ ਸਾਰੇ ਲੋਕ ਉਸ ਦੇ ਬੱਚੇ ਨੂੰ ‘ਇਟ’ (ਇੱਕ ਫਿਲਮੀ ਕਿਰਦਾਰ) ਕਹਿੰਦੇ ਹਨ ਅਤੇ ਉਸ ਨੂੰ ਆਪਣੇ ਬੱਚੇ ਨੂੰ ਮਾਰਨ ਲਈ ਕਹਿੰਦੇ ਹਨ। ਜਾਣਕਾਰੀ ਦੇ ਅਨੁਸਾਰ, ਉਸ ਦੇ ਬੇਟੇ ਡੈਰੇਕ ਨੂੰ ਹੋਲੋਪ੍ਰੋਸੈਸਨਫੀ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਹੋਲੋਪ੍ਰੋਸੇਨਫਲਾਈ Holoproencephaly ਵਿੱਚ, ਬੱਚੇ ਦਾ ਦਿਮਾਗ ਖੱਬੇ ਅਤੇ ਸੱਜੇ ਹਿੱਸੇ (Left and right hemispheres) ਵਿੱਚ ਵੰਡਣ ਵਿੱਚ ਅਸਮਰੱਥ ਹੁੰਦਾ ਹੈ। ਨਾਲ ਹੀ ਇਹ ਚਿਹਰੇ ਦੇ ਵਿਕਾਸ ਨੂੰ ਪ੍ਰਭਾਵਤ ਕਰ ਸਕਦਾ ਹੈ।
ਵੀਡੀਓ ਵਿੱਚ, ਐਂਬਰ ਆਪਣੇ ਬੇਟੇ ਨੂੰ ਜਗਾਉਂਦੀ ਹੈ ਅਤੇ ਕਹਿੰਦੀ ਹੈ: “ਹਾਏ ਡੇਰੇਕ, ਕੀ ਤੁਸੀਂ ਹੁਣ ਜਾਗ ਰਹੇ ਹੋ?” ਨਿਊਜ਼ ਏਯੂ ਦੀ ਰਿਪੋਰਟ ਦੇ ਅਨੁਸਾਰ, ਜਿੱਥੇ ਉਸ ਨੂੰ ਆਪਣੇ ਪੁੱਤਰ ਬਾਰੇ ਬਹੁਤ ਸਾਰੇ ਸਕਾਰਾਤਮਕ ਕੁਮੈਂਟ ਮਿਲੇ, ਕੁਝ ਲੋਕਾਂ ਨੇ ਉਸ ਬਾਰੇ ਭੱਦੇ ਕੁਮੈਂਟ ਵੀ ਕੀਤੇ। ਹੋ ਸਕਦਾ ਹੈ ਕਿ ਕੁਝ ਟਿਪਣੀਆਂ ਪੜ੍ਹਨ ਤੋਂ ਬਾਅਦ ਤੁਹਾਨੂੰ ਗੁੱਸਾ ਵੀ ਆ ਜਾਵੇ। ਟਿਕਟਾਕ ਦੇ ਇੱਕ ਯੂਜ਼ਰ ਨੇ ਕਿਹਾ: “ਮੈਨੂੰ ਮਾਫ ਕਰਨਾ ਪਰ ਮੈਨੂੰ ਡਰ ਲਗਦਾ ਹੈ।” ਕੁਝ ਲੋਕਾਂ ਨੇ ਡੇਰੇਕ ਨੂੰ ‘ਇੱਟ’ ਕਹਿ ਦਿੱਤਾ। ਤੁਹਾਨੂੰ ਦੱਸ ਦੇਈਏ ਕਿ ਲੋਕਾਂ ਦੇ ਭੱਦੇ ਕੁਮੈਂਟ ਪੜ੍ਹਨ ਤੋਂ ਬਾਅਦ, ਐਂਬਰ ਨੇ ਡੇਰੇਕ ਦੀ ਸਥਿਤੀ ਬਾਰੇ ਦੱਸਿਆ ਅਤੇ ਹੋਰ ਵੀਡੀਓ ਪੋਸਟ ਕੀਤਾ ਤੇ ਟਰੋਲ ਕਰਨ ਵਾਲਿਆਂ ‘ਤੇ ਪਲਟਵਾਰ ਕੀਤਾ।
ਫੁਟੇਜ ਵਿੱਚ, ਮਾਂ ਨੇ ਆਪਣੀ ਗਰਭ ਅਵਸਥਾ ਦੌਰਾਨ ਕੁਝ ਸੰਕੇਤਾਂ ਵੱਲ ਇਸ਼ਾਰਾ ਕੀਤਾ ਕਿ ਉਸ ਦੇ ਬੱਚੇ ਨਾਲ ਕੁਝ ਠੀਕ ਨਹੀਂ ਸੀ ਪਰ ਅੱਠ ਮਹੀਨਿਆਂ ਦੀ ਗਰਭਵਤੀ ਹੋਣ ‘ਤੇ ਵੀ ਉਸ ਕੋਲ ਪੂਰੀ ਤਸਵੀਰ ਨਹੀਂ ਸੀ। ਉਸ ਨੇ ਵੀਡੀਓ ਵਿੱਚ ਸਮਝਾਇਆ ਕਿ ਉਸ ਨੇ ਅਤੇ ਉਸ ਦੇ ਸਾਥੀ ਨੇ ਗਰਭਪਾਤ ਦਾ ਸੋਚਿਆ ਪਰ ਫਿਰ ਗਰਭ ਅਵਸਥਾ ਨੂੰ ਅੱਗੇ ਵਧਾਉਣ ਦਾ ਫੈਸਲਾ ਕੀਤਾ। ਹਾਲਾਂਕਿ ਡਾਕਟਰਾਂ ਨੇ ਉਸ ਨੂੰ ਕਿਹਾ ਸੀ ਕਿ ਡੈਰੇਕ ਜਨਮ ਤੋਂ ਬਾਅਦ ਨਹੀਂ ਬਚੇਗਾ। ਐਂਬਰ ਨੇ ਦੱਸਿਆ, “ਅਸੀਂ ਉਸ ਨੂੰ ਅਲਵਿਦਾ ਕਹਿਣ ਲਈ ਤਿਆਰ ਸੀ ਤੇ ਜੇ ਉਸ ਦੀ ਮੌਤ ਤੋਂ ਪਹਿਲਾਂ ਇੱਕ ਵਾਰ ਉਸ ਨੂੰ ਮਿਲਣਾ ਸੁਆਰਥ ਹੈ ਤਾਂ ਹਾਂ ਅਸੀਂ ਸੁਆਰਥੀ ਮਾਪੇ ਹਾਂ ਪਰ ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਅਸੀਂ ਉਹ ਕੀਤਾ ਕਿਉਂਕਿ ਡੇਰੇਕ ਜੀਉਂਦਾ ਹੈ। ਉਹ ਮਰ ਨਹੀਂ ਰਿਹਾ ਹੈ। ਉਹ ਪੀੜਤ ਨਹੀਂ ਹੈ ਉਹ ਜਿਊਣ ਲਈ ਲੜ ਰਿਹਾ ਹੈ।
ਐਂਬਰ ਕਹਿੰਦੀ ਹੈ ਕਿ ਉਹ ਡੇਰੇਕ ਦੀ ਸਥਿਤੀ ਬਾਰੇ ਪ੍ਰਸ਼ਨਾਂ ਦੇ ਉੱਤਰ ਦੇਣ ਵਿੱਚ ਖੁਸ਼ ਹੈ ਤੇ ਸਮਝਦੀ ਹੈ ਕਿ ਲੋਕ ਉਸ ਨੂੰ ਦੇਖ ਕੇ ਹੈਰਾਨ ਹੋ ਸਕਦੇ ਹਨ। ਵੀਡੀਓ ਪੋਸਟ ਕਰਕੇ, ਉਸ ਨੇ ਉਨ੍ਹਾਂ ਲੋਕਾਂ ਨੂੰ ਤਾੜਨਾ ਕੀਤੀ ਜਿਨ੍ਹਾਂ ਨੇ ਉਸ ਬਾਰੇ ਭੱਦੇ ਕੁਮੈਂਟ ਕੀਤੇ ਸਨ। ਉਸ ਨੇ ਉਨ੍ਹਾਂ ਲੋਕਾਂ ਨੂੰ ਵੀ ਝਿੜਕਿਆ, ਜਿਨ੍ਹਾਂ ਨੇ ਉਸ ਦੀ ਕਹਾਣੀ ਸੁਣਨ ਤੋਂ ਪਹਿਲਾਂ ਅਨੁਮਾਨ ਲਗਾਏ ਸਨ।
