ਨਵੀਂ ਦਿੱਲੀ, (ਬਿਊਰੋ) : ਰਿਜਰਵ ਬੈਂਕ ਆਫ ਇੰਡੀਆ ਨੇ ਪਾਇਲਟ ਆਧਾਰ ‘ਤੇ ‘ਆਫਲਾਈਨ’ ਭਾਵ ਬਿਨਾਂ ਇੰਟਰਨੈੱਟ ਦੇ ਕਾਰਡ ਤੇ ਮੋਬਾਈਲ ਰਾਹੀਂ ਛੋਟੀ ਰਾਸ਼ੀ ਦੇ ਭੂਗਤਾਨ ਦੀ ਮਨਜ਼ੂਰੀ ਦਿੱਤੀ ਹੈ। ਇਸ ਦੇ ਤਹਿਤ ਇਕ ਵਾਰ ‘ਚ 200 ਰੁਪਏ ਤਕ ਭੁਗਤਾਨ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਉਨ੍ਹਾਂ ਥਾਵਾਂ ਦੇ ਗਾਹਕਾਂ ਲਈ ਸਹੂਲਤ ਹੋਵੇਗੀ ਜਿੱਥੇ ਇੰਟਰਨੈੱਟ ਨਾਲ ਸੰਪਰਕ ਦੀ ਕੁਨੈਕਿਟੀਵਿਟੀ ਘੱਟ ਹੈ। ਭਾਵ ਇਸ ਤਰ੍ਹਾਂ ਨਾਲ ਭੁਗਤਾਨ ਲਈ ਇੰਟਰਨੈੱਟ ਨਾਲ ਸੰਪਰਕ ਦੀ ਜ਼ਰੂਰਤ ਨਹੀਂ ਹੋਵੇਗੀ। ਰਿਜਰਵ ਬੈਂਕ ਦੇ ਗਵਰਨਰ ਸ਼ਕਤੀਕਾਂਤ ਨੇ ਇਸ ਦਾ ਐਲਾਨ ਕੀਤਾ। ਇਸ ਸੰਦਰਭ ‘ਚ ਜਾਰੀ ਨੋਟੀਫਿਕੇਸ਼ਨ ਮੁਤਾਬਕ ਯੋਜਨਾ ਦੇ ਅੰਤਰਗਤ ‘ਪੈਮੇਂਟ ਸਿਸਟਮ ਆਪਰੇਟਰ’ ਬੈਂਕ ਤੇ ਗੈਰ-ਬੈਂਕ…ਆਨਲਾਈਨ ਡਿਜੀਟਲ ਭੁਗਤਾਨ ਦੀ ਪੇਸ਼ਕਸ਼ ਕਰ ਸਕਦੇ ਹਨ।ਕੇਂਦਰੀ ਬੈਂਕ ਦੇ ਨੋਟੀਫਿਕੇਸ਼ਨ ਮੁਤਾਬਕ ਪਾਇਲਟ ਯੋਜਨਾ ਦੇ ਤਹਿਤ ਭੁਗਤਾਨ ਕਾਰਡ, ਵਾਲੇਟ ਜਾਂ ਮੋਬਾਈਲ ਉਰਕਰਨਾਂ ਜਾਂ ਹੋਰ ਕਿਸੇ ਮਾਧਿਅਮ ਨਾਲ ਕੀਤਾ ਜਾ ਸਕਦਾ ਹੈ। ਇਸ ਲਈ ਕਿਸੇ ਹੋਰ ਪ੍ਰਕਾਰ ਦੇ ਤਸਦੀਕ ਦੀ ਜ਼ਰੂਰਤ ਨਹੀਂ ਹੋਵੇਗੀ। ਇਸ ‘ਚ ਸੋਲੋ ਭੁਗਤਾਨ ਦੀ ਜ਼ਿਆਦਾਤਰ ਸੀਮਾ 200 ਰੁਪਏ ਹੋਵੇਗੀ। ਹਾਲਾਂਕਿ ਇਸ ਰਾਹੀਂ ਕਿਸੇ ਵੀ ਸਮੇਂ 2,000 ਰੁਪਏ ਤਕ ਭੁਗਤਾਨ ਦੀ ਸੀਮਾ ਹੋਵੇਗੀ। ਇਹ ਯੋਜਨਾ 31 ਮਾਰਚ 2021 ਤਕ ਚਲੇਗੀ।
ਆਫਲਾਈਨ ਪੈਮੇਂਟ ਕਿਵੇਂ ਕਰਦਾ ਹੈ ਕੰਮ
1. ਪੇਮੈਂਟ ਕਾਰਡ, ਵਾਲੇਟ ਜਾਂ ਮੋਬਾਈਲ ਉਪਕਰਨਾਂ ਜਾਂ ਕਿਸੇ ਹੋਰ ਚੈਨਲ ਦੇ ਮਾਧਿਅਮ ਰਾਹੀਂ ਕੀਤਾ ਜਾ ਸਕਦਾ ਹੈ।
2. ਭੁਗਤਾਨ ਰਿਮੋਟ ਜਾਂ ਪ੍ਰੋਕਿਸਮਿਟੀ ਮੋਡ ‘ਚ ਕੀਤਾ ਜਾ ਸਕਦਾ ਹੈ।
3. ਭੁਗਤਾਨ ਲੈਣਦੇਣ ਕਿਸੇ ਵੀ ਹੋਰ ਕਾਰਕ ਪ੍ਰਮਾਣੀਕਰਨ ਦੇ ਬਿਨਾ ਕੀਤੀ ਜਾ ਸਕਦੀ ਹੈ।
4. ਭੁਗਤਾਨ ਲੈਣਦੇਣ ਦੀ ਉੱਪਰੀ ਸੀਮਾ 200 ਰੁਪਏ ਹੋਵੇਗੀ।
5. ਕਿਸੇ ਵੀ ਸਮੇਂ ਕਿਸੇ ਉਪਕਰਨ ‘ਤੇ ਆਫਲਾਈਨ ਲੈਣ ਦੇਣ ਦੀ ਕੁੱਲ ਸੀਮਾ 2,000 ਰੁਪਏ ਹੋਵੇਗੀ।ਆਰਬੀਆਈ ਨੇ ਕਿਹਾ ਕਿ ਖਾਸ ਕਰਕੇ ਦੂਰਦਰਾਜ ਦੇ ਖੇਤਰਾਂ ‘ਚ ਇੰਟਰਨੈੱਟ ਦਾ ਅਭਾਵ ਜਾਂ ਉਸ ਦੀ ਘੱਟ ਗਤੀ ਡਿਜੀਟਲ ਭੁਗਤਾਨ ਦੇ ਰਸਤੇ ‘ਚ ਵੱਧੀ ਰੁਕਾਵਟ ਹੈ। ਇਸ ਨੂੰ ਦੇਖਦੇ ਹੋਏ ਕਾਰਡ, ਵਾਲੇਟ ਤੇ ਮੋਬਾਈਲ ਉਪਕਰਨਾਂ ਦੇ ਮਾਧਿਅਮ ਰਾਹੀਂ ਆਫਲਾਈਨ ਭੁਗਤਾਨ ਦਾ ਬਦਲਾਅ ਉਪਲਬਧ ਕਰਵਾਇਆ ਜਾ ਰਿਹਾ ਹੈ।
