ਇਸ ਰੋਸ ਰੈਲੀ ਦੇ ਵਿੱਚ ਕਈ ਪਿੰਡਾਂ ਦੇ ਔਰਤ – ਮਰਦ, ਗਰੁੱਪ ਲੀਡਰ ਤੇ ਮੈਂਬਰ ਮੌਜੂਦ ਰਹੇ ।
ਫਿਰੋਜੇਪੁਰ (ਤਿਲਕ ਸਿੰਘ ਰਾਏ) : ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਕਮੇਟੀ ਮੈਂਬਰ ਪਰਮਜੀਤ ਕੌਰ ਭੰਗਾਲੀ ਨੇ ਦੱਸਿਆ ਕਿ ਪਿੰਡਾਂ ਵਿੱਚ ਔਰਤਾਂ ਵੱਲੋਂ ਪ੍ਰਾਈਵੇਟ ਬੈਂਕਾਂ ਤੋਂ ਜਿਹੜੇ ਕਰਜ਼ਾ ਲਿਆ ਗਿਆ ਸੀ । ਉਨ੍ਹਾਂ ਨੂੰ ਮੁਆਫ਼ ਕਰਨ ਲਈ ਇਹ ਰੋਸ ਰੈਲੀ ਕੀਤੀ ਗਈ ਹੈ । ਇਸ ਰੋਸ ਰੈਲੀ ਦੇ ਵਿੱਚ ਪਿੰਡ ਸੇਖਵਾਂ, ਕੋਟ ਕਰੋੜ, ਵਾੜਾ ਜਵਾਹਰ ਸਿੰਘ ਵਾਲਾ, ਤਲਵੰਡੀ ਭਾਈ, ਇੱਟਾਂ ਵਾਲੀ, ਭੰਗਾਲੀ ਅਤੇ ਪਤਲੀ ਦੀਆਂ ਔਰਤਾਂ- ਮਰਦ ਅਤੇ ਗਰੁੱਪ ਲੀਡਰ ਤੇ ਮੈਂਬਰ ਮੌਜੂਦ ਰਹੇ । ਉਨ੍ਹਾਂ ਵੱਲੋਂ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਗਈ ਉਨ੍ਹਾਂ ਨੂੰ ਦਿੱਤੇ ਗਏ ਕਰਜ਼ਾ ਮਾਫ਼ ਕੀਤਾ ਜਾਵੇ । ਕਰੋਨਾ ਵਾਇਰਸ ਕਰਕੇ ਪੰਜਾਬ ਸਰਕਾਰ ਵੱਲੋਂ ਲੋਕਡੂਨ ਹੋਣ ਕਾਰਨ ਉਨ੍ਹਾਂ ਦੇ ਘਰਾਂ ਦੇ ਬਾਹਰ ਦੇ ਕੰਮ ਬੰਦ ਪਏ ਹਨ । ਜਿਨ੍ਹਾਂ ਕਰਕੇ ਉਹ ਕੰਮ ਨਹੀਂ ਕਰ ਸਕਦੇ ਨਾ ਹੀ ਉਨ੍ਹਾਂ ਕੋਲੋਂ ਜ਼ਮੀਨਾਂ ਹਨ ਕਿ ਫਸਲਾਂ ਵੱਢ ਕੇ ਪੈਸੇ ਦੇ ਦੇਣ । ਇਸ ਕਾਰਨ ਕਰਕੇ ਉਹ ਕਰਜ਼ਾ ਵਾਪਿਸ ਨਹੀਂ ਦੇ ਸਕਦੇ ਸੋ ਉਨ੍ਹਾਂ ਦਾ ਕਰਜ਼ਾ ਮੁਆਫ਼ ਕੀਤਾ ਜਾਵੇ ।
