ਨਵੀਂ ਦਿੱਲੀ, (ਏਜੰਸੀ) : ਦਵਾਈ ਨਿਰਮਾਤਾ ਕੰਪਨੀ ਲੂਪਿਨ ਨੇ ਭਾਰਤ ‘ਚ ਹਲਕੇ ਮਾਧਿਅਮ ਲੱਛਣ ਵਾਲੇ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੇ ਇਲਾਜ ਲਈ ਐਂਟੀਵਾਈਰਲ ਦਵਾਈ ਫੇਵੀਪਿਰਾਵਿਰ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਕੋਵੀਹਾਲਟ ਨਾਮ ਨਾਲ ਜਾਰੀ ਇਸ ਦਵਾਈ ਦੀ ਇਕ ਟੈਬਲੇਟ ਦੀ ਕੀਮਤ ਭਾਰਤ ‘ਚ 49 ਰੁਪਏ ਦੀ ਰੱਖੀ ਗਈ ਹੈ।
200 ਮਿਲੀਗ੍ਰਾਮ ਦੀ ਇਕ ਟੈਬਲੇਟ
ਲੂਪਿਨ ਨੇ ਇਕ ਰੈਗੂਲੇਟਰੀ ਫਾਈਲਿੰਗ ‘ਚ ਕਿਹਾ ਕਿ ਉਸ ਨੂੰ ਫੇਵੀਪਿਰਾਵਿਰ ਦੇ ਐਮਰਜੈਂਸੀ ਵਰਤੋਂ ਲਈ ਡਰੱਗ ਕੰਟੋਲਰ ਜਨਰਲ ਆਫ ਇੰਡੀਆ ਤੋਂ ਮਨਜ਼ੂਰੀ ਮਿਲ ਗਈ ਹੈ। ਕੰਪਨੀ ਮੁਤਾਬਕ ਫੇਵੀਪਿਰਾਵਿਰ ਨੂੰ 200 ਮਿਲੀਗ੍ਰਾਮ ਪ੍ਰਤੀ ਟੈਬਲੇਟ ਲਾਂਚ ਕੀਤਾ ਜਾਵੇਗਾ। 10 ਗੋਲੀਆਂ ਦੀ ਪੱਟੀ ਦੇ ਰੂਪ ‘ਚ ਇਹ ਉਪਲਬਧ ਹੋਵੇਗਾ ਤੇ ਇਸ ਦੀ ਕੀਮਤ 49 ਰੁਪਏ ਪ੍ਰਤੀ ਟੈਬਲੇਟ ਹੋਵੇਗੀ।
ਐਂਟੀ-ਵਾਇਰਲ ਦਵਾਈ ਹੈ ਫੇਵੀਪਿਰਾਵਿਰ
ਫੇਵੀਪਿਰਾਵਿਰ ਇਕਮਾਤਰ ਮੌਖਿਕ ਐਂਟੀ-ਵਾਇਰਲ ਦਵਾਈ ਹੈ ਜਿਸ ਨੂੰ ਹਲਕੇ ਮਾਧਿਅਮ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੇ ਇਲਾਜ ਲਈ ਮਨਜ਼ੂਰੀ ਦਿੱਤੀ ਗਈ ਹੈ। ਕੰਪਨੀ ਨੇ ਕਿਹਾ ਕਿ ਪ੍ਰਸ਼ਾਸਨ ਦੀ ਸਹੂਲਤ ਨੂੰ ਧਿਆਨ ‘ਚ ਰੱਖਦੇ ਹੋਏ ਇਸਦੀ ਕੋਵੀਹਾਲਟ ਡੋਜ਼ ਦੀ ਤਾਕਤ ਨੂੰ ਵਿਕਸਿਤ ਕੀਤਾ ਗਿਆ ਹੈ।
ਕੰਪਨੀ ਕੋਲ ਮਜ਼ਬੂਤ ਵੰਡ ਨੈੱਟਵਰਕ
ਲੂਪਿਨ ਦੇ ਇੰਡੀਆ ਰੀਜਨ ਫਾਮਯੂਲੇਸ਼ਨ (ਆਈਆਰਐੱਫ) ਦੇ ਪ੍ਰਧਾਨ ਰਾਜੀਵ ਸਿਬਲ ਨੇ ਕਿਹਾ ਕਿ ਕੰਪਨੀ ਨੂੰ ਟਯੂਬਰਕਲੋਸਿਸ ਵਰਗੇ ਤੇਜ਼ੀ ਨਾਲ ਫੈਲਣ ਵਾਲੇ ਸੰਕ੍ਰਮਣ ਰੋਗ ਨੂੰ ਖ਼ਤਮ ਕਰਨ ਦੇ ਖੇਤਰ ‘ਚ ਚੰਗਾ ਅਨੁਭਵ ਹੈ। ਉਮੀਦ ਹੈ ਕਿ ਕੰਪਨੀ ਉਸਦਾ ਲਾਭ ਚੁੱਕ ਸਕੇਗੀ। ਅਸੀਂ ਆਪਣੇ ਮਜ਼ਬੂਤ ਵੰਡ ਨੈਟਵਰਕ ਤੇ ਮੈਦਾਨੀ ਖੇਤਰ ‘ਚ ਕੰਮ ਕਰਨ ਵਾਲੇ ਦਫ਼ਤਰ ਦੇ ਬਲਬੂਤੇ ਦੇਸ਼ਭਰ ‘ਚ ਕੋਵੀਹਾਲਟ ਦੀ ਪਹੁੰਚ ਸੁਨਿਸ਼ਚਿਤ ਕਰ ਸਕੋਗੇ।
35 ਰੁਪਏ ‘ਚ ਸਨ ਫਾਰਮਾ ਦੀ ‘ਫਲੂਗਾਰਡ’
ਇਸ ਤੋਂ ਪਹਿਲਾਂ 4 ਅਸਗਤ ਨੂੰ ਸਨ ਫਾਮਾਕਿਊਟੀਕਲ ਇੰਡੀਸਟ੍ਰੀਜ਼ ਨੇ ਫੇਵੀਪਿਰਾਵਿਰ ਨੂੰ ‘ਫਲੂਗਾਰਡ’ ਦੇ ਨਾ ਤੋਂ ਬਾਜ਼ਾਰ ‘ਚ ਉਤਾਰਿਆ ਹੈ। ਭਾਰਤ ‘ਚ ਫੇਵੀਪਿਰਾਵਿਰ ਦਾ ਇਹ ਹੁਣ ਤਕ ਦਾ ਸਭ ਤੋਂ ਸਸਤਾ ਵਰਜਨ ਹੈ। ਸਨ ਫਾਰਮਾ ਨੇ ਆਪਣੀ ਇਕ ਟੈਬਲੇਟ ਦੀ ਕੀਮਤ 35 ਰੁਪਏ ਰੱਖੀ ਹੈ। ਸਨ ਫਾਰਮਾ ਵੱਲੋਂ ਕਿਹਾ ਗਿਆ ਕਿ ਭਾਰਤ ‘ਚ ਹਰ ਦਿਨ 50,000 ਤੋਂ ਜ਼ਿਆਦਾ ਕੋਵਿਡ-19 ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ।
