26 ਜਨਵਰੀ ਦੀ ਪਰੇਡ ਚ ਆਪਣਾ ਯੋਗਦਾਨ ਪਾਉਣ ਲਈ ਇਹ ਜੱਥਾ ਦਿੱਲੀ ਨੂੰ ਤੁਰਿਆ
ਮਾਨਸਾ (ਗੁਰਜੰਟ ਸਿੰਘ ਬਾਜੇਵਾਲੀਆ) : ਜ਼ਿਲ੍ਹਾ ਮਾਨਸਾ ਦੇ ਪਿੰਡ ਖਿਆਲਾ ਵਿੱਚੋਂ ਅੱਜ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦੀ ਅਗਵਾਈ ਵਿੱਚ ਅੱਜ 26 ਜਨਵਰੀ ਦੀ ਪਰੇਡ ਚ ਆਪਣਾ ਯੋਗਦਾਨ ਪਾਉਣ ਲਈ ਦਿੱਲੀ ਵੱਲ ਰਵਾਨਾ ਹੋ ਗਏ ਹਨ l ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆ ਬਲਵਿੰਦਰ ਸਰਮਾ, ਸਿਕੰਦਰ ਸਿੰਘ ਖਾਲਸਾ,ਸੇਵਕ ਸਿੰਘ ਵਰਿਆਮ ਸਿੰਘ ,ਪਰਗਟ ਸਿੰਘਸ਼ ਨੇ ਦੱਸਿਆ ਕਿ ਅਸੀਂ ਆਪਣਾ ਖਾਣ ਪੀਣ ਦਾ ਰਾਸ਼ਨ ਪਿੰਡ ਵਿੱਚੋਂ ਇਕੱਠਾ ਕੀਤਾ ਗਿਆ l ਸਾਰੇ ਪਿੰਡ ਵੱਲੋਂ ਵਧ ਚੜ ਕੇ ਯੋਗਦਾਨ ਪਾਇਆ ਗਿਆ l ਸਭ ਤੋਂ ਖਾਸ ਗੱਲ ਵੇਖਣ ਨੂੰ ਇਹ ਮਿਲੀ ਕਿ ਏਥੋਂ ਦੇ ਨੋਜਵਾਨਾਂ ਨੇ ਹਰ ਕੰਮ ਦੀ ਜ਼ੁਮੇਵਾਰੀ ਮੂਹਰੇ ਲੱਗ ਕੇ ਆਪ ਨਿਭਾਈ ਜੋ ਸਰਕਾਰਾ ਨਸ਼ੇੜੀ ਕਹਿ ਕੇ ਬਦਨਾਮ ਕਰਦੀਆਂ ਸਨ l ਅੱਜ ਗਿਣਤੀ ਕਰ ਲੈਣ ਕਿੰਨੇ ਨਸ਼ੇੜੀ ਦਿਸ ਰਹੇ ਨੇ l ਇਸ ਪਿੰਡ ਦੇ ਲੋਕ ਕੋਈ ਵੀ ਸਾਂਝਾ ਕੰਮ ਹੋਵੇ ਬਿਨਾਂ ਸਿਆਸਤ ਇਕੱਠੇ ਹੋਕੇ ਕਰਦੇ ਹਨ l ਇਸ ਸਘੰਰਸ਼ ਵਿੱਚ ਮਾਤਾਵਾਂ ਭੈਣਾਂ ਦਾ ਵੱਡਾ ਯੋਗਦਾਨ ਹੈ l ਕਿਸਾਨ ਆਗੂਆਂ ਨੇ ਦੱਸਿਆ ਕਿ ਇਹ ਸੰਘਰਸ਼ ਪੂਰੀ ਤਰ੍ਹਾਂ ਸ਼ਾਂਤ ਮਈ ਢੰਗ ਨਾਲ ਚੱਲੇਗਾ l ਸਰਕਾਰੀ ਗੈਰ ਸਰਕਾਰੀ ਸ਼ਰਾਰਤ ਕਰਨ ਵਾਲਿਆਂ ਤੋਂ ਬਚ ਕੇ ਚੱਲਿਆ ਜਾਵੇਗਾ l ਇਸ ਮੌਕੇ ਸਮੁੱਚੀ ਜਥੇਬੰਦੀ ਨੇ ਸੁੱਖ ਸ਼ਾਂਤੀ ਲਈ ਗੁਰੂ ਘਰ ਅਰਦਾਸ ਕਰਵਾਈ ਤੇ 6 ਟ੍ਰੈਕਟਰ ਟਰਾਲੀਆਂ ਲੈਕੇ ਦਿੱਲੀ ਵੱਲ ਰਵਾਨਾ ਹੋਏ
