ਆਪਣੀ ਪਤਨੀ ਨਾਲ ਲੜ ਰਹੇ ਲੜਕੇ ਨੂੰ ਸਮਝਾ ਰਹੀ ਸੀ ਮਾਂ, ਪਤਨੀ ਛੱਡ ਕੇ ਚਲੀ ਗਈ ਤਾਂ ਗੁੱਸੇ ਨਾਲ 65 ਸਾਲਾ ਮਾਂ ਨੂੰ ਕੁਹਾੜੀ ਨਾਲ ਮਾਰ ਦਿੱਤਾ ।
ਰਾਜਸਥਾਨ (ਸਟੇਟ ਬਿਊਰੋ) : ਦੇਵੜਾ ਥਾਣਾ ਖੇਤਰ ਵਿੱਚ ਇੱਕ 65 ਸਾਲਾ ਔਰਤ ਦਾ ਉਸਦੇ ਪੁੱਤਰ ਨੇ ਕਤਲ ਕਰ ਦਿੱਤਾ । ਇਹ ਘਟਨਾ ਸੋਮਵਾਰ ਦੇਰ ਰਾਤ ਵਾਪਰੀ। ਮੰਗਲਵਾਰ ਸਵੇਰੇ ਪਿਤਾ ਦੇ ਮੌਕੇ ‘ਤੇ ਪਹੁੰਚਣ ਤੋਂ ਬਾਅਦ ਇਹ ਮਾਮਲਾ ਸਾਹਮਣੇ ਆ ਸਕਿਆ।
ਪੁਲਿਸ ਨੇ ਦੱਸਿਆ ਕਿ ਦੋਸ਼ੀ ਨੌਜਵਾਨ ਆਪਣੀ ਪਤਨੀ ਨਾਲ ਜ਼ਿਲੇ ਦੇਵੜਾ ਥਾਣਾ ਖੇਤਰ ਅਧੀਨ ਆਉਂਦੇ ਦੇਵ ਸੋਮਨਾਥ ਪਿੰਡ ਵਿੱਚ ਝਗੜਾ ਕਰ ਰਿਹਾ ਸੀ। ਉਸਦੀ ਮਾਂ ਪੁੱਤਰ ਨੂੰ ਸਮਝਾਉਣ ਲੱਗੀ। ਮਾਂ ਨੇ ਪਤਨੀ ਨੂੰ ਝਗੜਾ ਨਾ ਕਰਨ ਲਈ ਕਿਹਾ। ਇਸੇ ਲੜਾਈ-ਝਗੜੇ ਦੌਰਾਨ ਨੌਜਵਾਨ ਦੀ ਪਤਨੀ ਬੱਚਿਆਂ ਨਾਲ ਖੇਤਾਂ ਵਿੱਚ ਚਲੀ ਗਈ। ਉਸੇ ਸਮੇਂ ਦੋਸ਼ੀ ਨੇ ਗੁੱਸੇ ਵਿੱਚ ਆਪਣੀ ਮਾਂ ਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਝਗੜੇ ਦੌਰਾਨ ਉਸਨੇ ਮਾਂ ਦੇ ਸਿਰ ਤੇ ਕੁਹਾੜੀ ਨਾਲ ਹਮਲਾ ਕਰ ਦਿੱਤਾ। ਇਸ ਕਾਰਨ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਪੁਲਿਸ ਨੇ ਦੋਸ਼ੀ ਲੜਕੇ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਘਟਨਾ ਦੇ ਸਮੇਂ ਦੋਸ਼ੀ ਲੜਕੇ ਦਾ ਪਿਤਾ ਘਰ ਨਹੀਂ ਸੀ। ਸਵੇਰੇ ਘਰ ਆਉਂਦਿਆਂ ਹੀ ਘਟਨਾ ਦਾ ਪਤਾ ਚੱਲਿਆ ਉਸਨੇ ਪਤਨੀ ਨੂੰ ਘਰ ਦੇ ਵਿਹੜੇ ਕੋਲ ਪਈ ਵੇਖਿਆ। ਸਰਪੰਚ ਅਤੇ ਹੋਰ ਪਿੰਡ ਵਾਸੀਆਂ ਨੂੰ ਇਸ ਬਾਰੇ ਸੂਚਿਤ ਕੀਤਾ ਗਿਆ।
