ਰਿਪਨਜੋਤ ਸੋਨੀ ਬੱਗਾ ਦੇ ਮੰਮੀ ਜੀ ਸਾਨੂੰ ਅੱਜ ਸਵੇਰੇ ਸਦੀਵੀ ਵਿੱਛੋੜਾ ਦੇ ਗਏ
ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਵੱਲੋਂ ਬੇਹੱਦ ਦੁਖੀ ਹਿਰਦੇ ਨਾਲ ਇਹ ਖ਼ਬਰ ਸਾਂਝੀ ਕੀਤੀ ਜਾ ਰਹੀ ਹੈ ਕਿ ਡਾ : ਵਿਦਵਾਨ ਸਿੰਘ ਸੋਨੀ ਦੀ ਪਤਨੀ ਤੇ ਲੇਖਿਕਾ ਰਿਪਨਜੋਤ ਸੋਨੀ ਬੱਗਾ ਦੇ ਮੰਮੀ ਜੀ ਸਾਨੂੰ ਅੱਜ ਸਵੇਰੇ ਭਾਰਤੀ ਸਮਾਂ 7.44 ਵਜੇ ਸਦੀਵੀ ਵਿੱਛੋੜਾ ਦੇ ਗਏ ਹਨ । ਪੂਰਾ ਪਰਿਵਾਰ ਗਹਿਰੇ ਸਦਮੇ ਵਿੱਚ ਹੈ । ਜ਼ਿਕਰ ਹੈ ਕਿ ਸ੍ਰੀਮਤੀ ਸੁਰਿੰਦਰਪਾਲ ਕੌਰ ਜੀ ਕੋਵਿਡ 19 ਦੇ ਚੱਲਦਿਆਂ , ਕਰੋਨਾ ਨਾਮਕ ਭਿੰਅਕਰ ਬੀਮਾਰੀ ਦਾ ਸ਼ਿਕਾਰ ਹੋ ਗਏ ਸਨ । ਸ੍ਰੀਮਤੀ ਸੁਰਿੰਦਰ ਪਾਲ ਕੌਰ ਸੋਨੀ ਜੀ ਹਸਪਤਾਲ ਵਿਖੇ ਜ਼ੇਰੇ ਇਲਾਜ ਸੀ । ਕਰੋਨਾ ਕਾਰਣ ਉਹਨਾਂ ਨੂੰ ਹਾਰਟ ਅਟੈਕ ਆਇਆ ਤੇ ਉਹਨਾਂ ਨੂੰ ਵੇਨਟੀਲੇਟਰ ਤੇ ਵੀ ਰੱਖਿਆ ਗਿਆ । ਪਰ ਫਿਰ ਵੀ ਡਾਕਟਰ ਉਹਨਾਂ ਨੂੰ ਬਚਾ ਨਹੀਂ ਸਕੇ । ਸ੍ਰੀਮਤੀ ਸੁਰਿੰਦਰਪਾਲ ਕੌਰ ਜੀ ਬਹੁਤ ਹੀ ਪਿਆਰੇ ਇਨਸਾਨ ਸਨ , ਬਹੁਤ ਹਿੰਮਤੀ , ਸਿਰੜੀ , ਸਿਦਕੀ ਤੇ ਮਿਲਨਸਾਰ ਸਨ । ਵਾਹਿਗੁਰੂ ਅੱਗੇ ਅਰਦਾਸ ਕਰਦੇ ਹਾਂ ਕਿ ਉਹ ਸ੍ਰੀਮਤੀ ਸੁਰਿੰਦਰਪਾਲ ਕੌਰ ਜੀ ਨੂੰ ਆਪਣੇ ਚਰਨਾਂ ਵਿੱਚ ਨਿਵਾਸ ਬਖ਼ਸ਼ਣ ਤੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬੱਲ ਬਖ਼ਸ਼ਣ ਜੀ । ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਦੇ ਸਮੂਹ ਮੈਂਬਰਜ਼ ਨੇ ਬਹੁਤ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ ਤੇ ਇਸ ਦੁੱਖ ਦੀ ਘੜੀ ਵਿੱਚ ਅਸੀਂ ਸੱਭ ਤੁਹਾਡੇ ਨਾਲ ਹਾਂ । ਬਹੁਤ ਦੁਖੀ ਹਿਰਦੇ ਨਾਲ ਤੁਹਾਡੀ ਆਪਣੀ ।
ਸਜਣ ਮੇਰੇ ਰੰਗੁਲੇ ਜਾਇ ਸੁਤੇ ਜੀਰਾਣਿ॥
ਹੰਭੀ ਞੰਞਾ ਡੁਮਣੀ ਰੋਵਾ ਝੀਣੀ ਬਾਣਿ॥
(ਰਮਿੰਦਰ ਰਮੀ ਸੰਸਥਾਪਕ)
(ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ )
