ਚੰਡੀਗੜ੍ਹ: ਅਪ੍ਰੈਲ ਦਾ ਮਹੀਨਾ ਸਿਨੇਮਾ ਲਈ ਕਿਸੇ ਸੱਚੀ ਖੁਸ਼ੀ ਤੋਂ ਘੱਟ ਨਹੀਂ ਹੈ। ਇਕ ਪਾਸੇ ਜਿੱਥੇ ਹਰ ਵੀਕੈਂਡ ‘ਤੇ ਨਵੀਂ ਪੰਜਾਬੀ ਫਿਲਮ ਰਿਲੀਜ਼ ਹੋ ਰਹੀ ਹੈ, ਉਥੇ ਹੀ ਦੂਜੇ ਪਾਸੇ ਫਿਲਮ ਨਿਰਮਾਤਾ ਆਪਣੇ ਆਉਣ ਵਾਲੇ ਪ੍ਰੋਜੈਕਟਾਂ ਦੇ ਟ੍ਰੇਲਰ ਅਤੇ ਟੀਜ਼ਰ ਦਰਸ਼ਕਾਂ ਨੂੰ ਪੇਸ਼ ਕਰ ਰਹੇ ਹਨ। ਇਸ ਤਰ੍ਹਾਂ ਦੀ ਇਸੀ ਦੌੜ ਵਿੱਚ ਸ਼ਾਮਿਲ ਫਿਲਮ ‘ਡਾਕੂਆਂ ਦਾ ਮੁੰਡਾ 2’ ਦੇ ਨਿਰਮਾਤਾ ਜਿਸਨੇ 10 ਅਪ੍ਰੈਲ 2022 ਨੂੰ ਫਿਲਮ ਦਾ ਟੀਜ਼ਰ ਪੰਜਾਬੀ ਫਿਲਮ ਪ੍ਰੇਮੀਆਂ ਨਾਲ ਸਾਂਝਾ ਕੀਤਾ।ਦੇਵ ਖਰੌੜ ਜੋ ਫਿਲਮ ਵਿੱਚ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ, ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਟੀਜ਼ਰ ਰਿਲੀਜ਼ ਦੀ ਖ਼ਬਰ ਦਾ ਐਲਾਨ ਕੀਤਾ ਸੀ। ਸਾਰੀ ਮਹੱਤਵਪੂਰਨ ਜਾਣਕਾਰੀ ਦੇ ਨਾਲ ਫਿਲਮ ਦੇ ਪੋਸਟਰ ਨੂੰ ਸਾਂਝਾ ਕਰਦੇ ਹੋਏ ਦੇਵ ਨੇ ਕੈਪਸ਼ਨ ਵਿੱਚ ਲਿਖਿਆ – “ਡਾਕੂਆਂ ਦਾ ਮੁੰਡਾ 2 ਦਾ ਪਹਿਲਾ ਟੀਜ਼ਰ ਇਸ ਐਤਵਾਰ ਸਵੇਰੇ 9 ਵਜੇ ਆ ਰਿਹਾ ਹੈ @mandeep.benipal @thejapjikhaira @dreamreality.movies”‘ਡਾਕੂਆਂ ਦਾ ਮੁੰਡਾ 2’ ਵੀ ਅਸਲ ਜ਼ਿੰਦਗੀ ਦੀਆਂ ਘਟਨਾਵਾਂ ਤੋਂ ਪ੍ਰੇਰਿਤ ਹੈ। ਫਿਲਮ ਦੇ ਪਹਿਲੇ ਭਾਗ ਨੂੰ ਦਰਸ਼ਕਾਂ ਦੁਆਰਾ ਬਹੁਤ ਸਲਾਹਿਆ ਗਿਆ। ਕਿਉਂਕਿ ਉਹਨਾਂ ਨੇ ਰੀਲ ‘ਤੇ ਪੇਸ਼ ਕੀਤੇ ਜਾ ਰਹੇ ਅਸਲ-ਜੀਵਨ ਦੇ ਤੱਤਾਂ ਦਾ ਆਨੰਦ ਲਿਆ। ਦੇਵ ਖਰੌੜ ਦੇ ਇੱਕ ਜ਼ਬਰਦਸਤ ਅਦਾਕਾਰ ਦੇ ਕੰਮ ਦੀ ਵੀ ਪ੍ਰਸ਼ੰਸਕਾਂ ਦੁਆਰਾ ਸ਼ਲਾਘਾ ਕੀਤੀ ਗਈ। ਇਸ ਲਈ ਮਨਦੀਪ ਬੈਨੀਪਾਲ ਦੇ ਨਿਰਦੇਸ਼ਨ ਵਾਲੇ ਇਸ ਫਿਲਮ ਤੋਂ ਉਮੀਦਾਂ ਪਹਿਲਾਂ ਹੀ ਕਾਫੀ ਹਨ।