ਔਰਤ ਜੱਥੇਬੰਦੀ ਦੀ ਹੋਈ ਚੋਣ ਜਿਸ ਵਿੱਚ ਸਰਬ ਸੰਮਤੀ ਨਾਲ ਬੀਬੀ ਛਿੰਦਰ ਕੌਰ ਨੂੰ ਪ੍ਰਧਾਨ ਬਣਾਇਆ ਗਿਆ
ਮਾਨਸਾ (ਗੁਰਜੰਟ ਸਿੰਘ ਬਾਜੇਵਾਲੀਆ) : ਅੱਜ ਪਿੰਡ ਜਵਾਹਰਕੇ ਵਿਖੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਦੀ ਮੀਟਿੰਗ ਪਿੰਡ ਦੀ ਧਰਮਸ਼ਾਲਾ ਵਿੱਚ ਹੋਈ ਜਿਸ ਵਿੱਚ 70 ਔਰਤਾਂ ਬੀ.ਕੇ.ਯੂ ਉਗਰਾਹਾਂ ਦੀਆਂ ਮੈਂਬਰ ਬਣੀਆਂ। ਮੈਂਬਰ ਬਣੀਆਂ ਔਰਤਾਂ ਵਿੱਚੋਂ 7 ਆਗੂ ਔਰਤਾਂ ਦੀ ਚੋਣ ਸਰਬ ਸੰਮਤੀ ਨਾਲ ਕੀਤੀ ਗਈ ਜਿਸ ਦੀ ਸੂਚੀ ਇਸ ਪ੍ਰਕਾਰ ਹੈ : ਪ੍ਰਧਾਨ ਛਿੰਦਰ ਕੌਰ, ਜਨਰਲ ਸਕੱਤਰ ਬਲਵਿੰਦਰ ਕੌਰ, ਖਜਾਨਚੀ ਗੁਰਜੀਤ ਕੌਰ, ਸੀਨੀਅਰ ਮੀਤ ਪ੍ਰਧਾਨ ਛਿੰਦਰ ਕੌਰ, ਮੀਤ ਪ੍ਰਧਾਨ ਕੁਲਵੰਤ ਕੌਰ, ਮੀਤ ਪ੍ਰਧਾਨ ਜੀਤ ਕੌਰ, ਪ੍ਰੈੱਸ ਸਕੱਤਰ ਅਮਰਜੀਤ ਕੌਰ ਚੁਣੀਆਂ ਗਈਆਂ। ਇਸ ਮੌਕੇ ਬੀ.ਕੇ.ਯੂ. ਉਗਰਾਹਾਂ ਦੇ ਮਾਨਸਾ ਬਲਾਕ ਦੇ ਪ੍ਰਧਾਨ ਜਗਦੇਵ ਸਿੰਘ ਭੈਣੀਬਾਘਾ, ਮਾਨਸਾ ਬਲਾਕ ਦੇ ਸਕੱਤਰ ਜਗਸੀਰ ਸਿੰਘ ਜਵਾਹਰਕੇ, ਪਿੰਡ ਇਕਾਈ ਦੇ ਪ੍ਰਧਾਨ ਭੋਲਾ ਸਿੰਘ ਜਵਾਹਰਕੇ, ਹਰਚਰਨ ਸਿੰਘ ਜਵਾਹਰਕੇ ਮੌਕੇ ਤੇ ਹਾਜਰ ਸਨ ।
