ਮਾਨਸਾ, 5 ਨਵੰਬਰ (ਗੁਰਜੰਟ ਸਿੰਘ ਬਾਜੇਵਾਲੀਆ) ਹਰ ਸਾਲ ਦੀ ਤਰ੍ਹਾਂ ਪਿੰਡ ਬਾਜੇਵਾਲਾ ਵਿਖੇ ਬਾਬਾ ਵਿਸ਼ਵਕਰਮਾ ਜੀ ਦਾ ਜਨਮ ਦਿਹਾੜਾ ਨਗਰ ਨਿਵਾਸੀਆਂ ਤੇ ਸਾਰੇ ਮਿਸਤਰੀ ਭਾਈਚਾਰੇ ਦੇ ਸਹਿਯੋਗ ਨਾਲ ਵਿਸ਼ਵਕਰਮਾ ਧਰਮਸ਼ਾਲਾ ਵਿਖੇ ਮਿਤੀ 3.ਨਵੰਬਰ.2021 ਨੂੰ ਸ਼੍ਰੀ ਅਖੰਡ ਪਾਠ ਸਾਹਿਬ ਪ੍ਰਕਾਸ਼ ਕਰਵਾਏ ਗਏ, ਮਿਤੀ 5 ਨਵੰਬਰ 2021 ਨੂੰ ਸ਼੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਗਏ। ਇਸ ਮੌਕੇ ਭੋਗ ਉਪਰੰਤ ਬਾਬਾ ਚਮਕੌਰ ਸਿੰਘ ਜੀ ਭਾਈ ਰੂਪੇ ਵਾਲਿਆਂ ਦੇ ਕੀਰਤਨੀ ਜੱਥੇ ਵੱਲੋਂ ਬਾਬਾ ਵਿਸ਼ਵਕਰਮਾ ਦੇ ਇਤਿਹਾਸ ਬਾਰੇ ਜਾਣਕਾਰੀ ਦਿੰਦਿਆਂ ਸੰਗਤਾਂ ਨੂੰ ਕੀਰਤਨ ਰਾਹੀਂ ਨਿਹਾਲ ਕੀਤਾ। ਬਾਬਾ ਜੀ ਵੱਲੋਂ ਬਖਸ਼ੇ ਕਿੱਤੇ ਜਿਵੇਂ ਮਸ਼ੀਨਰੀ, ਵਰਕਸ਼ਾਪਾਂ ਅਤੇ ਉਸਾਰੀ ਦੇ ਕਿਰਤੀਆਂ ਨੇ ਆਪਣੇ ਕਾਰੋਬਾਰ ਛੱਡ ਕੇ ਬਾਬਾ ਜੀ ਦਾ ਜਨਮ ਦਿਹਾੜਾ ਹਰ ਸਾਲ ਮਨਾਉਣਾ ਉਹਨਾਂ ਲਈ ਖੁਸ਼ੀ ਦਾ ਸਮਾਂ ਹੈ। ਉੱਥੇ ਆਪਸੀ ਭਾਈਚਾਰੇ ਨਾਲ ਸਾਂਝ ਵੀ ਵੱਧਦੀ ਹੈ ਅਤੇ ਪਿਛਲੇ ਗੁੱਸੇ-ਗਿਲੇ ਵੀ ਦੂਰ ਹੁੰਦੇ ਹਨ। ਇਸ ਮੌਕੇ ਪਿੰਡ ਦੇ ਸਰਪੰਚ ਪੋਹਲਜੀਤ ਸਿੰਘ ਨੇ ਜ਼ਿਲ੍ਹਾ ਪ੍ਰੀਸ਼ਦ ਵੱਲੋਂ 5 ਲੱਖ ਦਾ ਚੈੱਕ ਆਇਆ ਕਮੇਟੀ ਨੂੰ ਭੇਟ ਕੀਤਾ ਤੇ ਬਾਬਾ ਵਿਸ਼ਵਕਰਮਾ ਜੀ ਦੇ ਜਨਮ ਦਿਹਾੜੇ ਤੇ ਸੰਗਤਾਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਜਿਹੜੀਆਂ ਕੌਮਾਂ ਆਪਣੇ ਗੁਰੂਆਂ ਵੱਲੋਂ ਦਰਸਾਏ ਰਸਤੇ ਅਤੇ ਆਪਣੇ ਵਿਰਸੇ ਦਾ ਸਤਿਕਾਰ ਕਰਦੀਆਂ ਹਨ, ਉਹ ਹਮੇਸ਼ਾ ਜਿਊਂਦੀਆਂ-ਜਾਗਦੀਆਂ ਰਹਿੰਦੀਆਂ ਹਨ। ਇਸ ਮੌਕੇ ਸਪ੍ਰਸਤ ਮਿਸਤਰੀ ਤਰਸੇਮ ਸਿੰਘ ਜੰਡੂ,ਬਾਰਾ ਸਿੰਘ ਸੱਗੂ,ਸੇਵਕ ਸੱਗੂ, ਸੁਖਵਿੰਦਰ ਨਿੱਕਾ, ਹਰਬੰਸ ਭੋਲਾ,ਧਰਮਾ ਸਿੰਘ , ਮਨਦੀਪ ਸ਼ੀਂਹ,ਕਾਸਦੀਪ, ਜਗਸੀਰ, ਜਸਪਾਲ, , ਭਗਵਾਨ ਭੋਲਾ, ਲਵਪ੍ਰੀਤ ਸ਼ੀਂਹ, ਬੂਟਾ ਸਿੰਘ ਨਿਟੂ ,ਕਲਦੀਪ ਰਾਜਾ ਸਿੰਘ,ਮੰਦਰ ਸਿੰਘ, ਪਿੰਡ ਬਾਜੇਵਾਲਾ ਹੈਂਡਗ੍ਰੰਥੀ ਬਾਬਾ ਗੁਰਸੇਵਕ ਸਿੰਘ ਆਦਿ ਹਾਜ਼ਰ ਸਨ ਅਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ।
