ਇਕਬਾਲ ਭੇਟ ਕਰਨਗੇ ਰਾਮਨੌਮੀ ਤੇ ਮਾਨਸ
ਅਯੁੱਧਿਆ, (ਬਿਊਰੋ) : ਰਾਮਨਗਰੀ ਅਯੁਧਿਆ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਪੰਜ ਅਗਸਤ ਨੂੰ ਆਗਮਨ ਬੇਹੱਦ ਹੀ ਇਤਿਹਾਸਕ ਬਣਾ ਦੇਵੇਗਾ। ਪੀਐੱਮ ਮੋਦੀ ਪੰਜ ਅਗਸਤ ਸ਼੍ਰੀ ਰਾਮ ਭੂਮੀ ਪੂਜਨ ਕਰਨ ਦੇ ਨਾਲ ਹੀ ਅਯੁਧਿਆ ‘ਚ ਕਰੀਬ ਤਿੰਨ ਘੰਟੇ ਵਤੀਤ ਕਰਨਗੇ। ਇਸ ਦੌਰਾਨ ਉਹ ਸ਼੍ਰੀ ਰਾਮ ਜਨਮਭੂਮੀ ਪ੍ਰਾਂਗਣ ‘ਚ ਪਾਰੀਜਾਤ ਦਾ ਰੁੱਖ ਲਗਾਉਣਗੇ, ਜਦੋਂਕਿ ਬਾਬਰੀ ਮਸਜਿਦ ਦੇ ਪੱਖਕਾਰ ਰਹੇ ਇਕਬਾਲ ਅੰਸਾਰੀ ਪੀਐੱਮ ਮੋਦੀ ਨੂੰ ਰਾਮਨੌਮੀ ਦੇ ਨਾਲ ਹੀ ਰਾਮਚਰਿਤਮਾਨਸ ਦੀ ਇਕ ਪੁਸਤਕ ਵੀ ਭੇਟ ਕਰਨਗੇ। ਇਥੇ ਭੂਮੀ ਪੂਜਨ ਲਈ ਇਕਬਾਲ ਅੰਸਾਰੀ ਨੂੰ ਵੀ ਸੱਦਾ ਮਿਲਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪੰਜ ਅਗਸਤ ਨੂੰ ਅਯੁਧਿਆ ‘ਚ ਸ਼੍ਰੀ ਰਾਮ ਮੰਦਿਰ ਦਾ ਭੂਮੀ ਪੂਜਨ ਕਰਨਗੇ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਸ਼੍ਰੀ ਰਾਮ ਜਨਮਭੂਮੀ ‘ਚ ਪਾਰਿਜਾਤ ਦਾ ਰੁੱਖ ਲਾਉਣਗੇ। ਪਾਰੀਜਾਤ ਦਾ ਰੁੱਖ ਵਿਰਾਜਮਾਨ ਰਾਮਲੱਲਾ ਤੋਂ ਚੰਦ ਕਦਮਾਂ ਦੀ ਦੂਰੀ ‘ਤੇ ਹੀ ਪ੍ਰਧਾਨ ਮੰਤਰੀ ਦੇ ਹੱਥੋਂ ਲਗਾਇਆ ਜਾਵੇਗਾ। ਪਾਰਿਜਾਤ ਦਾ ਰੁੱਖ ਸੂਬੇ ਦੇ ਬਾਰਾਬੰਕੀ ਜ਼ਿਲ੍ਹੇ ਦੇ ਕਿੰਤੂਰ ਪਿੰਡ ‘ਚ ਸਥਿਤ ਹੈ, ਜੋ ਮਹਾਭਾਰਤਕਾਲੀਨ ਦੱਸਿਆ ਜਾਂਦਾ ਹੈ। ਅਤੀ ਪ੍ਰਾਚੀਨ ਇਸ ਰੁੱਖ ਨੂੰ ਭਾਰਤ ਸਰਕਾਰ ਨੇ ਸੁਰੱਖਿਤ ਕਰ ਰੱਖਿਆ ਹੈ। ਮਾਨਤਾ ਹੈ ਕਿ ਕਿੰਤੂਰ ਪਿੰਡ ਦਾ ਨਾਂ ਪਾਂਡਵਾ ਦੀ ਮਾਤਾ ਕੁੰਤੀ ਦੇ ਨਾਂ ‘ਤੇ ਪਿਆ ਹੈ। ਪਾਂਡਵਾ ਨੇ ਮਾਤਾ ਕੁੰਤੀ ਦੇ ਨਾਲ ਇਸ ਜੰਗਲ ‘ਚ ਨਿਵਾਸ ਕੀਤਾ ਸੀ। ਉਸ ਸਮੇਂ ਗ੍ਰਾਮ ਕਿੰਤੂਰ ‘ਚ ਕੁੰਤੇਸ਼ਵਰ ਮਹਾਦੇਵ ਦੀ ਸਥਾਪਨਾ ਕੀਤੀ ਗਈ ਸੀ। ਭਗਵਾਨ ਸ਼ਿਵ ਦੀ ਪੂਜਾ ਕਰਨ ਲਈ ਮਾਤਾ ਕੁੰਤੀ ਨੇ ਸਵਰਗ ਪਾਰੀਜਾਤ ਪੁਸ਼ਪ ਲਿਆਉਣ ਦੀ ਇੱਛਾ ਜ਼ਾਹਰ ਕੀਤੀ ਸੀ। ਮਾਤਾ ਦੀ ਇੱਛਾ ‘ਤੇ ਗਾਂਡੀਵਧਾਰੀ ਅਰਜੁਨ ਨੇ ਸਵਰਗ ਤੋਂ ਇਸ ਦਰਖਤ ਨੂੰ ਲਿਆ ਕੇ ਇਥੇ ਸਥਾਪਤ ਕੀਤਾ ਸੀ। ਤਦ ਹੀ ਇਸ ਰੁੱਖ ਦੀ ਪੂਜਾ ਅਰਚਨਾ ਕੀਤੀ ਜਾਂਦੀ ਰਹੀ ਹੈ।
ਲਖਨਊ ਤੋਂ ਅਯੁਧਿਆ ਪਹੁੰਚਣਗੇ ਮੋਦੀ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪੰਜ ਅਗਸਤ ਦੀ ਸਵੇਰ ਦਿੱਲੀ ਏਅਰਪੋਰਟ ਤੋਂ 9.35 ਵਜੇ ਵਿਸ਼ੇਸ਼ ਜਹਾਜ਼ ਤੋਂ 10.35 ਵਜੇ ਲਖਨਊ ਦੇ ਅਮੌਸੀ ਏਅਰਪੋਰਟ ਪਹੁੰਚਣਗੇ। ਇਥੋਂ ਪੰਜ ਮਿੰਟ ਬਾਅਦ 10.40 ਵਜੇ ਹੈਲੀਕਾਪਟਰ ਤੋਂ ਅਯੁਧਿਆ ਰਵਾਨਾ ਹੋਣਗੇ। ਅਯੁਧਿਆ ਦੇ ਸਾਕੇਤ ਮਹਾਵਿਦਿਆਲਿਆ ‘ਚ ਬਣੇ ਹੈਲੀਪੈਡ ‘ਤੇ 11.30 ਵਜੇ ਉਤਰਨਗੇ। ਠੀਕ 12 ਵਜੇ ਰਾਮ ਜਨਮਭੂਮੀ ਪਹੁੰਚਣਗੇ।
ਪੀਐੱਮ ਮੋਦੀ ਨੂੰ ਰਾਮਨੌਮੀ ਤੇ ਮਾਨਸ ਭੇਟ ਕਰਨਗੇ ਇਕਬਾਲ ਅੰਸਾਰੀ
ਬੀਤੀ ਨੌ ਨਵੰਬਰ ਨੂੰ ਰਾਮ ਮੰਦਰ ‘ਤੇ ਸੁਪਰੀਮ ਕੋਰਟ ਦਾ ਫੈਸਲਾ ਆਉਣ ਦੇ ਨਾਲ ਵਿਵਾਦ ਪਿੱਛੇ ਛੱਡ ਕੇ ਤਰੱਕੀ ਦੀ ਰਾਹ ਵੱਲ ਵਧਣ ਦਾ ਫੈਸਲਾ ਕਰ ਚੁੱਕੇ ਬਾਬਰੀ ਮਸਜਿਦ ਦੇ ਪੱਖਕਾਰ ਕਗੇ ਮੋ. ਇਕਬਾਲ ਮੰਦਰ ਨਿਰਮਾਣ ਦੀ ਬੇਲਾ ‘ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸਵਾਗਤ ਦੀ ਤਿਆਰੀ ‘ਚ ਹੈ। ਸਵਾਗਤ ਲਈ ਉਹ ਅੱਜ ਹੀ ਰਾਮਚਰਿਤਮਾਨਸ ਤੇ ਰਾਮਨੌਮੀ ਕੇ ਲਿਆਏ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਪ੍ਰਧਾਨ ਮੰਤਰੀ ਦੇ ਸਵਾਗਤ ਲਈ ਉਤਸੁਕ ਹਾਂ ਤੇ ਇਸ ਲਈ ਰਾਮਨੌਮੀ ਤੇ ਮਾਨਸ ਜਿਹੀਆਂ ਅਯੁਧਿਆ ਦੀ ਅਨਮੋਲ ਧਰੋਹਰ ਲੈ ਕੇ ਆਇਆ ਹਾਂ। ਇਕਬਾਲ ਨੇ ਕਿਹਾ ਕਿ ਰਾਮਨੌਮੀ ਹੋ ਜਾਂ ਮਾਨਸ, ਇਹ ਜਿੰਨਾ ਹਿੰਦੂਆਂ ਲਈ ਆਦਰਯੋਗ ਹੈ, ਓਨਾ ਹੀ ਮੁਸਲਮਾਨਾਂ ਦੇ ਲਈ ਵੀ ਹੈ। ਇਕਬਾਲ ਅਜ ਭੂਮੀ ਪੂਜਨ ਸਮਾਗਮ ਦਾ ਸੱਦਾ ਮਿਲਣ ਦੇ ਬਾਅਦ ਕਾਫੀ ਖੁਸ਼ ਵੀ ਹਨ।
