ਐਸ.ਐਮ.ਓ. ਗੜ੍ਹਸ਼ੰਕਰ, ਟੇਕ ਰਾਜ ਵੱਲੋਂ ਉੱਚ ਅਧਿਕਾਰੀਆਂ ਕੋਲੋਂ ਸਟਾਫ ਦੀ ਮੰਗ ।
ਹੁਸ਼ਿਆਰਪੁਰ (ਦਲਜੀਤ ਅਜਨੋਹਾ) : ਕਰੋਨਾ ਵਾਇਰਸ ਦੇ ਨਾਲ ਪਿੱਛਲੇ ਦਿਨੀਂ ਸਿਵਲ ਹਸਪਤਾਲ ਗੜ੍ਹਸ਼ੰਕਰ ਦੇ 10 ਦੇ ਕਰੀਬ ਸਟਾਫ਼ ਮੈਂਬਰ ਕੋਰੋਨਾ ਪੋਜ਼ਿਟਿਵ ਆਏ ਸਨ । ਜਿਨ੍ਹਾਂ ਨੂੰ ਘਰ ਵਿੱਚ ਇਕਾਂਤਵਾਸ ਲਈ ਰੱਖ ਦਿੱਤਾ ਸੀ । ਇਸ ਤੋਂ ਬਾਅਦ ਸਿਵਲ ਹਸਪਤਾਲ ਗੜ੍ਹਸ਼ੰਕਰ ਦੇ ਡਾਕਟਰਾਂ ਵਿੱਚ ਹੜਕੰਪ ਮੱਚ ਗਿਆ । ਸਿਵਲ ਹਸਪਤਾਲ ਦੇ ਸਟਾਫ ਨੇ ਉੱਚ ਅਧਿਕਾਰੀਆਂ ਤੋਂ ਮੰਗ ਕੀਤੀ ਸੀ ਕਿ ਹਸਪਤਾਲ ਨੂੰ ਕੁੱਝ ਦਿਨਾਂ ਲਈ ਵੰਦ ਕਰ ਦਿੱਤਾ ਜਾਵੇ । ਪਰ ਉੱਚ ਅਧਿਕਾਰੀਆਂ ਨੇ ਮੰਗ ਨੂੰ ਨਹੀਂ ਮੰਨਿਆ । ਜਿਸਦੇ ਕਾਰਨ ਹਸਪਤਾਲ ਵਿੱਚ ਕੰਮ ਕਰਨ ਵਾਲੇ ਡਾਕਟਰ ਦਫ਼ਤਰ ਦੀ ਬਜਾਏ ਬਾਹਰ ਬੈਠ ਗਏ । ਡਾਕਟਰਾਂ ਮੁਤਾਬਿਕ ਉਹ ਸਰਕਾਰ ਦੇ ਦਿੱਤੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਨਾ ਕਰਦੇ ਹਨ । ਪਰ ਸਰਕਾਰ ਨੂੰ ਵੀ ਉਨ੍ਹਾਂ ਦੀ ਬੇਨਤੀ ਨੂੰ ਪ੍ਰਵਾਨ ਕਰਨਾ ਚਾਹੀਦਾ ਜਾ ਕੋਈ ਹੋਰ ਰਾਹਤ ਦੇਣੀ ਚਾਹੀਦੀ ਹੈ ।ਐਸ ਐਮ ਓ ਗੜ੍ਹਸ਼ੰਕਰ ਟੇਕ ਰਾਜ ਮੁਤਾਬਿਕ ਉਨ੍ਹਾਂ ਉੱਚ ਅਧਿਕਾਰੀਆਂ ਕੋਲੋਂ ਸਟਾਫ ਦੀ ਮੰਗ ਕੀਤੀ ਹੈ ਤਾਕੀ ਸਟਾਫ ਦੀ ਘਾਟ ਨੂੰ ਪੂਰਾ ਕੀਤਾ ਜਾਵੇ ।
