ਵਾਸ਼ਿੰਗਟਨ, 25 ਅਗਸਤ – ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੇ ਕਿਹਾ ਹੈ ਕਿ ਅਮਰੀਕਾ ਅਫ਼ਗਾਨਿਸਤਾਨ ਤੋਂ 31 ਅਗਸਤ ਤੱਕ ਆਪਣਾ ਬਾਹਰ ਨਿਕਲਣ ਦਾ ਮਿਸ਼ਨ ਪੂਰਾ ਕਰ ਲਏਗਾ ਜੇਕਰ ਤਾਲਿਬਾਨ ਅਮਰੀਕਾ ਨਾਲ ਸਹਿਯੋਗ ਕਰਦਾ ਹੈ ਅਤੇ ਅਮਰੀਕਾ ਦੇ ਮਿਸ਼ਨ ਵਿਚ ਕੋਈ ਅੜਚਣ ਪੈਦਾ ਨਹੀਂ ਕਰਦਾ। ਉੱਥੇ ਹੀ, ਕਾਬੁਲ ਵਿਚ ਅਰਾਜਕਤਾ ਭਰੇ ਮਾਹੌਲ ਵਿਚ ਅਮਰੀਕਾ ਦੇ ਨਿਕਾਸੀ ਦੇ ਚੱਲ ਰਹੇ ਮਿਸ਼ਨ ਵਿਚਕਾਰ ਦੋ ਅਮਰੀਕੀ ਕਾਂਗਰਸ ਮੈਂਬਰ ਸੇਥ ਮਾਲਟਨ ਅਤੇ ਪੀਟਰ ਮੀਜਰ ਕਾਬੁਲ ਪਹੁੰਚ ਰਹੇ ਹਨ, ਜਿਸ ਕਾਰਨ ਅਫ਼ਗਾਨਿਸਤਾਨ ਵਿਚ ਮੌਜੂਦ ਅਮਰੀਕੀ ਸੁਰੱਖਿਆ ਅਧਿਕਾਰੀਆਂ ਨੂੰ ਹੈਰਾਨੀ ‘ਚ ਪਾ ਦਿੱਤਾ ਹੈ, ਕਿਉਂਕਿ ਉਨ੍ਹਾਂ ਦੀ ਸੁਰੱਖਿਆ ਲਈ ਅਧਿਕਾਰੀਆਂ ਨੂੰ ਕਦਮ ਚੁੱਕਣੇ ਪੈਣਗੇ।
