ਮੋਗਾ 28 ਜੁਲਾਈ (ਹੈੱਪੀ ਢੰਡ)ਨਵਜੋਤ ਸਿੱਧੂ ਨੂੰ ਕੈਪਟਨ ਅਮਰਿੰਦਰ ਸਿੰਘ ਦੇ ਵਿਰੋਧ ਦੇ ਬਾਵਜੂਦ ਪੰਜਾਬ ਦਾ ਕਾਂਗਰਸ ਪ੍ਰਧਾਨ ਬਨਾਓਣਾ ਕਾਂਗਰਸ ਪਾਰਟੀ ਨੂੰ ਮਹਿੰਗਾ ਪੈ ਸਕਦਾ ਹੈ । ਚਾਹੇ ਨਵਜੋਤ ਸਿੱਧੂ ਦੇ ਤਾਜਪੋਸ਼ੀ ਸਮਾਗਮ ਚ ਕੈਪਟਨ ਨੇ ਸ਼ਿਰਕੱਤ ਕੀਤੀ । ਲੇਕਿਨ ਦੋਵਾਂ ਦੇ ਭਾਸ਼ਨ ਇਸ ਗੱਲ ਵੱਲ ਇਸ਼ਾਰਾ ਕਰ ਗਏ ਸਨ ਕਿ ਬਾਈ ਜੀ ਆਪਾਂ ਦੀ ਬਨਣੀ ਨਹੀਂ ਤੇ ਮੌਕਾ ਆਓਣ ਤੇ ਦੱਸਾਂਗਾ ਕਿ ਕੀ ਭਾਅ ਵਿੱਕਦੀ ਹੈ । ਸਿੱਧੂ ਨੇ ਇਸ ਤੇ ਚੱਲਦੇ ਹੋਏ ਆਪਣੇ ਸਹਿਯੋਗੀ ਚਾਰ ਕਾਰਜਕਾਰੀ ਪ੍ਰਧਾਨਾਂ ਵੱਲੋਂ ਕੈਪਟਨ ਨੂੰ ਚਿੱਠੀ ਲਿੱਖ ਦਿੱਤੀ ਹੈ । ਜਿਸ ਵਿੱਚ ਬੇਅਦਬੀ ਮਾਮਲਾ , ਪ੍ਰਾਈਵੇਟ ਥਰਮਲ ਪਲਾਂਟਾਂ ਨਾਲ ਕਰਾਰ ਖਤਮ ਕਰਣ ,ਪੰਜਾਬ ਚ ਸੰਘਰਸ਼ ਕਰ ਰਹੀਆਂ ਕਰਮਚਾਰੀ ਯੁਨੀਅਨਾਂ ਦੇ ਮੁੱਦੇ ਵੱਲ ਧਿਆਨ ਦਵਾ ਕੈਪਟਨ ਨੂੰ ਕਟਹਿਰੇ ਚ ਖੜਾ ਕਰਣ ਦੀ ਕੋਸ਼ਿਸ਼ ਕੀਤੀ ਹੈ । ਪਰ ਕੈਪਟਨ ਵੀ ਲਗਦਾ ਸ਼ਾਂਤ ਨਹੀਂ ਰਹੇਗਾ। ਜਿਸ ਦਾ ਅਸਰ ਆਉਣ ਵਾਲੇ ਦਿਨਾਂ ਚ ਸਿੱਧੂ ਸਮਰੱਥਕ ਵਿਧਾਇਕਾਂ ਖਾਸਕਰ ਮੋਗਾ ਤੋਂ ਹਰਜੋਤ ਤੇ ਬਾਘਾਪੁਰਾਣਾ ਤੋਂ ਦਰਸ਼ਨ ਬਰਾੜ ਤੇ ਪੈ ਸਕਦਾ ਹੈ । ਮੋਗਾ ਤੋਂ ਹਰਜੋਤ ਪਹਿਲਾਂ ਜਿਲਾ ਪ੍ਰਸ਼ਾਸਨ ਤੇ ਉਸਦੀ ਅਨਦੇਖੀ ਕਰਣ ਦਾ ਆਰੋਪ ਲਾਕੇ ਧਰਨਾ ਤੱਕ ਲਾਉਣ ਦੀ ਚਿਤਾਵਨੀ ਦੇ ਚੁੱਕੇ ਹਨ । ਦੋਵਾਂ ਦਾ ਸਿੱਧੂ ਦੇ ਸਮਰੱਥਨ ਚ ਖੁੱਲ ਕੇ ਜਾਣਾ ਵੀ ਇਸ ਗੱਲ ਵੱਲ ਇਸ਼ਾਰਾ ਕਰਦਾ ਹੈ ਕਿ ਪਹਿਲਾਂ ਹੀ ਕੈਪਟਨ ਵੱਲੋਂ ਇਹਨਾਂ ਦੀ ਅਣਦੇਖੀ ਕੀਤੀ ਜਾ ਰਹੀ ਹੋਵੇਗੀ । ਪਰ ਜਿਸ ਤਰਾਂ ਕੈਪਟਨ ਤੇ ਸਿੱਧੂ ਦਰਮਿਆਨ ਸੰਬੰਧ ਸੁਧਰਣ ਦੀ ਬਜਾਇ ਖਟਾੱਸ ਵਾਲੇ ਬਨਣ ਜਾ ਰਹੇ ਲੱਗਦੇ ਹਨ । ਉਸ ਨਾਲ ਮੋਗਾ ਤੇ ਬਾਘਾਪੁਰਾਨਾ ਹਲਕੇ ਦੇ ਵਿਕਾਸ ਨੂੰ ਢਾਹ ਲੱਗਣ ਦਾ ਖੱਤਰਾ ਹੈ ਕਿਉਂਕਿ ਹਰ ਸਰਕਾਰ ਆਪਣੇ ਕਾਰਜ-ਕਾਲ ਦੇ ਆਖਿਰੀ ਮਹੀਨਿਆਂ ਚ ਆਪਣੀ ਪੈਂਠ ਬਣਾਉਣ ਲਈ ਖੁੱਲ ਕੇ ਫੰਡ ਜਾਰੀ ਕਰਦੀਆਂ ਹਨ ਜਿਸਨੂੰ ਖੋਰਾ ਲੱਗ ਸਕਦਾ ਹੈ । ਦੁਜੇ ਪਾਸੇ ਪਹਿਲਾਂ ਹੀ ਪ੍ਰਸ਼ਾਸਨ ਦੁਆਰਾ ਅਣਦੇਖੀ ਕਰਣ ਦਾ ਰੋਣਾ ਰਹੇ ਵਿਧਾਇਕ ਨੂੰ ਲੋਕਾਂ ਦੇ ਕੰਮ ਕਾਜ ਕਰਾਉਣ ਚ ਹੋਰ ਪਰੇਸ਼ਾਨੀ ਵੱਧ ਸਕਦੀ ਹੈ ਕਿਉਂਕਿ ਕੈਪਟਨ ਕਦੇ ਵੀ ਬਰਦਾਸ਼ਤ ਨਹੀਂ ਕਰ ਸਕਦਾ ਕਿ ਉਸਦੇ ਵਿਰੋਧੀ ਦੀ ਬੱਲੇ ਬੱਲੇ ਹੋਵੇ