ਮੁਲਾਜ਼ਿਮ ਸਵੀਪਰ ਨੂੰ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ
ਤਰਨਤਾਰਨ (ਜਸਵੀਰ ਸਿੰਘ) : ਮਾਰਕੀਟ ਕਮੇਟੀ ‘ਚ ਤਾਇਨਾਤ ਇਕ ਕਲਰਕ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਕਥਿਤ ਤੌਰ ‘ਤੇ ਦੋਸ਼ ਲਗਾਇਆ ਸੀ ਕਿ ਦਫਤਰ ‘ਚ ਸਾਫ-ਸਫਾਈ ਦਾ ਕੰਮ ਕਰਦਾ ਵਿਅਕਤੀ ਕੁਲਦੀਪ ਸਿੰਘ ਉਸ ਦੇ ਕਮਰੇ ਨੂੰ ਸੈਨੀਟਾਈਜ਼ ਕਰਨ ਲਈ ਆਇਆ ਤੇ ਉਸ ਨੂੰ ਜਬਰੀ ਮੇਜ ‘ਤੇ ਸੁੱਟ ਕੇ ਜਬਰ ਜਨਾਹ ਕਰਨ ਦੀ ਕੋਸ਼ਿਸ਼ ਕਰਨ ਲੱਗਾ। ਹਾਲਾਂਕਿ ਉਹ ਉਸਦੀ ਹਰਕਤ ਤੋਂ ਬਚ ਗਈ। ਮਾਮਲੇ ਦੀ ਜਾਂਚ ਕਰ ਰਹੀ ਵੂਮੈਨ ਸੈੱਲ ਭਿੱਖੀਵਿੰਡ ਦੀ ਇੰਚਾਰਜ ਏਐੱਸਆਈ ਬਲਵਿੰਦਰ ਕੌਰ ਨੇ ਦੱਸਿਆ ਕਿ ਪੀੜ੍ਹਤਾ ਦੀ ਸ਼ਿਕਾਇਤ ‘ਤੇ ਦਰਜ ਕੀਤੇ ਗਏ ਮੁਕੱਦਮੇ ‘ਚ ਨਾਮਜ਼ਦ ਕੁਲਦੀਪ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
